Ye Aankh Kyon Hai Ye Haath Kya Hai..

Ghazals Munir Niazi Raat Shayari

Ye aankh kyon hai ye haath kya hai,
ye din hai kya cheez raat kya hai.

Firaaq-e-khursheed-o-maah kyon hai,
ye un ka aur mera saath kya hai.

Gumaan hai kya iss sanam-kade par,
khyaal-e-marg-o-hayaat kya hai.

Fughaan hai kis ke liye dilon mein,
khrosh-e-dariya-e-zaat kya hai.

Falak hai kyon qaid-e-mustaqil mein,
zameen pe harf-e-najaat kya hai.

Hai kaun kis ke liye pareshaan,
pata toh de asal baat kya hai.

Hai lams kyon raigaan humesha,
fanaa mein khauf-e-sibaat kya hai.

Munir’ iss shehar-e-ghumzada par,
tera ye sehar-e-nashaat kya hai. !!

Munir Niazi

Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Leave a Reply

Your email address will not be published. Required fields are marked *