Sirf Mere Liye Nahin Rahna – Aslam Kolsari Ghazal

Sirf mere liye nahin rahna
tum mere baad bhi haseen rahna.

Ped ki tarah jis jagah phuta
umar-bhar hai mujhe wahin rahna.

Mashġhala hai shareef logon ka
soorat-e-maar-e-aastin rahna.

Dili ujdi udaas basti mein
chaahte the kayi makeen rahna.

Mar na jaaye tumhari phulwaari
qaarya-e-zakhm ke qareen rahna.

Muskurata hoon aadatan ‘aslam’
kaun samjhe mera ġhumeen rahna. !!

– Aslam Kolsari