Koi had nahin hai kamaal ki,
koi had nahin hai jamaal ki.
Wahi qurb-o door ki manzilen,
wahi shaam khwaab-o khyaal ki.
Na mujhe hi uss ka pata koi,
na usey khabar mere haal ki.
Ye jawaab meri sadaa ka hai,
ki sadaa hai uss ke sawaal ki.
Ye namaaz-e asr ka waqt hai,
ye ghadi hai din ke zawaal ki.
Woh qayaamaten jo guzar gayi,
thi amaanaten kai saal ki.
Hai ‘munir teri nigaah mein,
koi baat gehre malaal ki
Hai ‘munir subah-e safar nayi,
gayi baat shab ke malaal ki .!!
