Khaali hai abhi jaam main kuchh soch raha hun,
Aye gardish-e ayyaam main kuchh soch raha hun.
Saaqi tujhe ek thodi si takleef toh hogi,
Saaghar ko zara thaam main kuchh soch raha hun.
Pehle badi *raghbat thi tere naam se mujh ko,
Ab sun ke tera naam main kuchh soch raha hun.
*Idraak abhi poora *ta’aawun nahin karta,
*Dai *baada-e-gulfaam main kuchh soch raha hun.
Hal kuchh toh nikal aayega halaat ki zidd ka,
Aye kasrat-e aalam main kuchh soch raha hun.
Phir aaj ‘Adam shaam se ghumgeen hai tabiyyat,
Phir aaj sar-e shaam main kuchh soch raha hun. !!
*[ Raghbat=curiosity,Interest ~ Idraak=understanding
Ta’aawun=mutual aid or help ~ Dai=winter
Baada-e-gulfaam=rose colored wine ]
