Dukh Fasaana Nahin Ki Tujh Se Kahen..

Ahmad Faraz Dard Bhari Shayari Ghazals Ghum Shayari Sad Poetry Yaad Shayari Zindagi Shayari

Dukh fasaana nahin ki tujh se kahein,
dil bhi mana nahin ki tujh se kahein.

Aaj tak apni bekali ka sabab,
khud bhi jana nahin ki tujh se kahein.

Be’tarah haal-e dil hai aur tujh se,
dostana nahin ki tujh se kahein.

Ek tu haraf-e aashna tha magar,
ab zamana nahin ki tujh se kahein.

Qaasida hum faqeer logon ka,
ek thikana nahin ki tujh se kahein.

Aye khuda dard-e dil hai bakhshish-e dost,
aab-o daana nahin ki tujh se kahein.

Ab toh apna bhi uss gali mein ‘faraz
aana jana nahin ki tujh se kahein. !!

Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Leave a Reply

Your email address will not be published. Required fields are marked *