Chalo in baadlon ki saari paraten chheel ke dekhen
zaroor in ke labaadon mein
kahin poshida jeben bhi lagi hongi
Tatolen inn ki jeben… aur dekhen
kahan paani ki boonden hain?
kahan oley chhupaaye hain?
kahan rakhte hain damroo? jab bajaate hain toh bachche chaunk jaate hain
Kisi ek ‘Belt’ mein hunter bhi chhupa hoga
hawaaon ke gubbaare bhi bhare honge
tumhen lagta nahin baadal bade shaatir madaari hain!
– Gulzar
