Bahut Raha Hai Kabhi Lutf-e Yaar Hum Par Bhi..

Akbar Allahabadi Ghazals

Bahut raha hai kabhi lutf-e yaar hum par bhi,
guzar chuki hai ye fasl-e bahaar hum par bhi.

Uroos-e-dahr ko aaya tha pyaar hum par bhi,
ye beswaa thi kisi shab nisaar hum par bhi.

Bitha chuka hai zamana humein bhi masnad par,
hua kiye hain jawaahir nisaar hum par bhi.

Adoo ko bhi jo banaya hai tum ne marham-e raaz,
toh fakhr kya jo hua aitbaar hum par bhi.

Khata kisi ki ho lekin khuli jo un ki zabaan,
toh ho hi jaate hain do ek waar hum par bhi.

Hum aise rind magar ye zamana hai woh ghazab,
ki daal hi diya duniya ka baar hum par bhi.

Humein bhi aatish-e ulfat jalaa chuki ‘akbar
haraam ho gayi dozakh ki naar hum par bhi. !!

Akbar Allahabadi

Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Leave a Reply

Your email address will not be published. Required fields are marked *