Ab ke hum bichhde toh shayad kabhi khwaabon mein milein,
jis tarah sookhe hue phool kitaabon mein milein.
Dhoond ujde hue logon mein wafa ke moti,
ye khazaane tujhe mumkin hai kharaabon mein milein.
Ghum-e duniya bhi ghum-e yaar mein shaamil kar lo,
nasha badhta hai sharaabein jo sharaabon mein milein.
Tu khuda hai na mera ishq farishton jaisa,
dono insaan hain toh kyon itne hizaabon mein milein.
Aaj hum daar par khinche gaye jin baaton par,
kya ajab kal woh zamaane nisaabon mein milein.
Ab na woh main na woh tu hai na woh maazi hai ‘faraz
jaise do shakhs tamanna ke saraabon mein milein. !!
