Aaye Kuchh Abr Kuchh Sharaab Aaye..

Faiz Ahmed Faiz Ghazals Ghum Shayari Sad Poetry Yaad Shayari Zakhm Shayari Zindagi Shayari

Aaye kuchh abr kuchh sharaab aaye,
uss ke baad aaye jo azaab aaye.

Baam-e meena se mahtaab utre,
dasht-e saaqi mein aaftaab aaye.

Har ragg-e khoon mein phir charaagan ho,
saamne phir woh behisaab aaye.

Umar ke har waraq pe dil ki nazar,
teri mehr-o wafa ke baab aaye.

Kar raha tha ghum-e jahan ka hisaab,
aaj tum yaad behisaab aaye.

Na gayi tere ghum ki sardaari,
dil mein yun roz inqilaab aaye.

Jal uthe bazm-e ghair ke dar-o baam,
jab bhi hum khanumaan-kharaab aaye.

Iss tarah apni khamoshi goonji,
goya har samt se jawaab aaye.

Faiz’ thi raah sar-ba-sar manzil,
hum jahan pahunche kaamyaab aaye. !!

:  Faiz Ahmed Faiz

Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Leave a Reply

Your email address will not be published. Required fields are marked *