Home / Ghazals / Ye Mojaza Bhi Mohabbat Kabhi Dikhaaye Mujhe..

Ye Mojaza Bhi Mohabbat Kabhi Dikhaaye Mujhe..

Ye mojaza bhi mohabbat kabhi dikhaaye mujhe,
ki sang tujh pe gire aur zakhm aaye mujhe.

Main apne paanv tale raundta hun saaye ko,
badan mera hi sahi dopehar na bhaaye mujhe.

Barang-e-uud milegi usey meri khushboo,
woh jab bhi chaahe bade shauq se jalaaye mujhe.

Main ghar se teri tamanna pehan ke jab niklun,
barhana shehar mein koi nazar na aaye mujhe.

Wohi toh sab se zyada hai nukta-chin mera,
jo muskura ke humesha gale lagaaye mujhe.

Main apne dil se nikaalun khyaal kis kis ka,
jo tu nahin toh koi aur yaad aaye mujhe.

Zamana dard ke sehra tak aaj le aaya,
guzaar kar teri zulfon ke saaye saaye mujhe.

Woh mera dost hai saare jahaan ko hai maaloom,
dagha kare woh kisi se toh sharm aaye mujhe.

Wo meharbaan hai toh iqraar kyon nahin karta,
woh badgumaan hai toh sau baar aazmaaye mujhe.

Main apni zaat mein neelaam ho raha hun ‘qateel
ghum-e-hayaat se keh do khareed laaye mujhe. !!

Qateel Shifai

Ye Mojaza Bhi Mohabbat Kabhi Dikhaaye Mujhe..
Please Rate this poetry!

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Jis Ki Qismat Hi Dar-ba Dar Thehre..

Mohsin Naqvi Poetry Jis ki qismat hi dar-ba dar thahre, woh bujha chaand kis ke …

Leave a Reply

Your email address will not be published.