Home / Ghazals / Warasta Us Se Hain Ki Mohabbat Hi Kyon Na Ho,,

Warasta Us Se Hain Ki Mohabbat Hi Kyon Na Ho,,

Mirza Ghalib Poetry

Waarasta uss se hain ki mohabbat hi kyon na ho,
keeje humare saath adaawat hi kyon na ho.

Chhoda na mujh mein zof ne rang ikhtilaat ka,
hai dil pe baar naqsh-e-mohabbat hi kyon na ho.

Hai mujh ko tujh se tazkira-e-ghair ka gila,
har-chand bar-sabil-e-shikaayat hi kyon na ho.

Paida hui hai kehte hain har dard ki dawaa,
yun ho toh chaara-e-ghum-e-ulfat hi kyon na ho.

Daala na bekasi ne kisi se muaamla,
apne se kheenchta hun khajaalat hi kyon na ho.

Hai aadmi bajaa-e-khud ek mahshar-e-khyaal,
hum anjuman samajhte hain khalwat hi kyon na ho.

Hungama-e-zabuni-e-himmat hai infiaal,
haasil na kije dahr se ibrat hi kyon na ho.

Waarastagi bahaana-e-begaangi nahin,
apne se kar na ghair se wehshat hi kyon na ho.

MiTta hai faut-e-fursat-e-hasti ka ghum koi,
umr-e-aziz sarf-e-ibaadat hi kyon na ho.

Uss fitna-khu ke dar se ab uthte nahin ‘asad
uss mein humare sar pe qayaamat hi kyon na ho. !!

Mirza Ghalib

Please Rate this poetry!

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Bahar Bhi Ab Andar Jaisa Sannata Hai..

Aanis Moeen Poetry Bahar bhi ab andar jaisa sannaata hai, dariya ke us paar bhi …

Leave a Reply

Your email address will not be published.