Tu Kabhi Dekh Toh Rote Hue Aa Kar Mujh Ko..

Aansoo/Ashk Shayari Ghazals Ghum Shayari Munawwar Rana Naseeb Poetry Sad Poetry Safar Shayari Tanhaai shayari Zindagi Shayari

Tu kabhi dekh toh rote hue aa kar mujh ko,
rokna padta hai aankhon se samandar mujh ko.

Iss mein aawara-mizazi ka koi dakhl nahin,
dasht-o sehra mein firaata hai muqaddar mujh ko.

Ek tooti hui kashti ka musaafir hun main,
haan nigal jayega ek roz samundar mujh ko.

Iss se badh kar meri tauheen-e anaa kya hogi,
ab gadaagar bhi samjhte hain gadaagar mujh ko.

Zakhm chehre pe, lahoo aankhon mein,  seena chhalni,
zindagi ab toh odhaa de koi chaadar mujh ko.

Meri aankhon ko woh binaai ataa kar maula,
ek aansu bhi nazar aaye samundar mujh ko.

Koi iss baat ko maane ki na maane lekin,
chaand lagta hai tere maathe ka jhoomar mujh ko.

Dukh toh ye hai mera dushman hi nahin hai koi,
ye mere bhai hain kehte hain jo baabar mujh ko.

Mujh se aangan ka andhera bhi nahin mit paaya,
aur duniya hai ki kehti hai ‘Munawwar’  mujh ko. !!

Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Leave a Reply

Your email address will not be published. Required fields are marked *

10 + two =