Home / Poets / Allama Iqbal / Tere Ishq Ki Intiha Chaahta Hun..

Tere Ishq Ki Intiha Chaahta Hun..

Allama Iqbal Poetry

Tere ishq ki intiha chaahta hun,
meri saadgi dekh kya chaahta hun.

Sitam ho ki ho wada-e-be-hijaabi,
koi baat sabr-aazma chaahta hun.

Ye jannat mubaarak rahe zaahidon ko,
ki main aap ka saamna chaahta hun.

Zara sa toh dil hun magar shokh itna,
wahi lan-taraani suna chaahta hun.

Koi dum ka mehmaan hun aey ahl-e-mehfil,
charaagh-e-sehar hun bujha chaahta hun.

Bhari bazm mein raaz ki baat keh di,
bada be-adab hun saza chaahta hun. !!

– Click here for Allama Iqbal Poetry collection

Tere Ishq Ki Intiha Chaahta Hun..
Please Rate this poetry!

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Jis Ki Qismat Hi Dar-ba Dar Thehre..

Mohsin Naqvi Poetry Jis ki qismat hi dar-ba dar thahre, woh bujha chaand kis ke …

Leave a Reply

Your email address will not be published.