Home / Chaand Shayari / Poochha Kisi Ne Haal Kisi Ka Toh Ro Diye..

Poochha Kisi Ne Haal Kisi Ka Toh Ro Diye..

Poochha kisi ne haal kisi ka toh ro diye,
paani mein aqs chaand ka dekha toh ro diye.

Naghma kisi ne saaz pe chheda toh ro diye,
ghuncha kisi ne shaakh se toda toh ro diye.

Udta hua ghubaar sar-e-raah dekh kar,
anjaam hum ne ishq ka socha toh ro diye.

Baadal fiza mein aap ki tasweer ban gaye,
saaya koi khyaal se guzra toh ro diye.

Rang-e-shafaq se aag shagufon mein lag gayi,
saghar’ humare haath se chhalka toh ro diye. !!

Saghar Siddiqui

Poochha Kisi Ne Haal Kisi Ka Toh Ro Diye..
4.5 (90%) 2 votes

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Chalta Hun Aasmaan Ki Taraf Dekhta Hua..

Two Line Aasmaan¬†Poetry, Shairy.. Chalta hun aasmaan ki taraf dekhta hua, mere sar pe sitaare …

2 comments

  1. Saghar Siddiqui sahab ki bohut hi umda ghazal hei ye..mujhe unki sab shayariya bohut pasand hain

  2. Saghar Siddiqui urdu ki shan hein.. wo apni poetry se hamare bich zinda hy

Leave a Reply

Your email address will not be published.