Home / Tag Archives: zindagi

Tag Archives: zindagi

Kabhi Kabhi Mere Dil Mein Khyaal Aata Hai by Sahir Ludhianvi

Kabhi Kabhi Mere Dil Mein Khyaal Aata Hai by Sahir Ludhianvi

Kabhi kabhi mere dil mein khyaal aataa hai..

Ki zindagi teri zulfon ki naram chhaaon mein,
guzrne paati toh shaadaab ho bhi saktii thi.
Ye teeragi jo meri zeest ka muqaddar hai,
teri nazar ki shuaaon mein kho bhi sakti thi.

Ajab na tha ki main begaana-e-aalam ho kar,
teri jamaal ki raanaaiyon mein kho rehta.
Tera gudaaz badan, teri neembaaz aankhen
inhin haseen fasaanon mein mahv ho rehta.

Pukaarti mujhe jab talkhiyaan zamaane ki,
tere labon se halaavat ke ghoont pee leta.
Hayaat cheekhti phirti barhana- sar aur main,
ghaneri zulfon ke saaye mein chhup ke jee leta.

Magar ye ho na saka aur ab ye aalam hai..
ki tu nahin.. tera ghum, teri justajoo bhi nahin.
Guzar rahi hai kuchh is tarah zindagi jaise,
isey kisi ke sahaare ki aarzoo bhi nahin.

Zamaane bhar ke dukhon ko laga chuka hun gale,
guzar reha hun kuchh anjaani rah-guzaaron se.
Muheeb saaye meri simt badhte aate hain,
hayaat-o maut ke purhaul khaarzaaron se..

Na koi jaada, na manzil, na roshni ka suraagh
bhatak rahi hai khalaaon mein zindagi meri.
Inhi khalaaon mein reh jaaunga kabhi kho kar,
main jaanta hun meri hum-nafas magar yun hi..

Kabhi kabhi mere dil mein khyaal aata hai …….

Sahir Ludhianvi Poetry Collection

 

Khwaab In Aankhon Se Ab Koi Chura Kar Le Jaye..

Bashir Badr Poetry

Khwaab in aankhon se ab koi chura kar le jaaye,
qabr ke sookhe hue phool utha kar le jaaye.

Muntazir phool mein khusboo ki tarah hun kab se,
koi jhauken ki tarah aaye udaa kar le jaaye.

Ye bhi paani hai magar aankhon ka aisa paani,
jo hatheli pe rachi mehandi udaa kar le jaaye .

Main mohabbat se mehakta hua khat hun mujh ko,
zindagi apni kitaabon mein daba kar le jaaye.

Khaak insaaf hai na-beena buton ke aage,
raat thaali mein chiraaghon ko saja kar le jaaye. !!

Bashir Badr Poetry Collection

Subscribe us for bashir badr shayari, urdu poets, shair, ghazals, poems.

Zindagi Ka Lutf Bhi Aa Jayega..

Hafeez Jalandhari Poetry

Zindagi ka lutf bhi aa jaayega,
zindagaani hai toh dekha jaayega.

Jis tarah lakdi ko kha jaata hai ghun,
rafta rafta ghum mujhe kha jaayega.

Hashr ke din meri chup ka maajra,
kuchh na kuchh tum se bhi poochha jaayega.

Muskura kar munh chida kar ghoor kar,
jaa rahe ho khair dekha jaayega.

Kar diya hai tum ne dil ko mutmaeen,
dekh lena sakht ghabra jaayega.

Hazrat-e-dil kaam se jaaunga main,
dil-lagi mein aap ka kya jaayega.

Doston ki bewafaai par ‘hafeez’
sabr karna bhi mujhe aa jaayega. !!

Hafeez Jalandhari Poetry Collection

Subscribe us for hafeez jalandhari shayari, ghazals, poems, nazms, urdu poets. 

Ab Toh Kuchh Aur Bhi Andhera Hai..

Hafeez Jalandhari Poetry

Ab toh kuchh aur bhi andhera hai,
ye meri raat ka sawera hai.

Rahzanon se toh bhaag nikla tha,
ab mujhe rahbaron ne ghera hai.

Aage aage chalo tabar waalo,
abhi jungle bahut ghanera hai.

Qaafila kis ki pairwi mein chale,
kaun sab se bada lootera hai.

Sar pe raahi ke sarbaraahi ne,
kya safaai ka haath phera hai.

Surma-aalood khushk aansuon ne,
noor-e-jaan khaak par bikhera hai.

Raakh raakh ustukhwaan safed safed,
yehi manzil yehi basera hai.

Aey meri jaan apne jee ke siwa,
kaun tera hai kaun mera hai.

So raho ab ‘hafeez’ ji tum bhi,
ye nayi zindagi ka dera hai. !!

Hafeez Jalandhari Poetry Collection

Subscribe us for hafeez jalandhari shayari, poetry, ghazals, poems, urdu poets, nazms, shair. 

Raat Ek Khwab Hum Ne Dekha Hai..

Bashir Badr Poetry

Raat ek khwaab hum ne dekha hai,
phool ki pankhudi ko chooma hai.

Dil ki basti puraani dilli hai,
jo bhi guzra hai uss ne loota hai.

Hum toh kuchh der hans bhi lete hain,
dil humesha udaas rehta hai.

Koi matlab zaroor hoga miyaan,
yun koi kab kisi se milta hai.

Tum agar mil bhi jaao toh bhi humen,
hashar tak intezaar karna hai.

Paisa haath ka mail hai baba,
zindagi chaar din ka mela hai. !!

Bashir Badr Poetry Collection

Subscribe us for bashir badr shayari, ghazals, poems, nazms, urdu poetry, shair, urdu poets. 

Ye Kasak Dil Ki Dil Mein Chubhi Reh Gayi..

Bashir Badr Poetry

Ye kasak dil ki dil mein chubhi rah gayi,
zindagi mein tumhari kami reh gayi.

Ek main, ek tum, ek deewar thi
zindagi aadhi aadhi bati reh gayi.

Raat ki bheegi bheegi chhaton ki tarah,
meri palkon pe thodi nami reh gayi.

Ret par aansuon ne tere naam ki,
j0 kahaani likhi be  padhi reh gayi.

Maine roka nahin woh chala bhi gaya,
bebasi door tak dekhti reh gayi.

Mere ghar ki taraf dhoop ki peeth thi,
aate aate idhar chandni reh gayi. !!

 Bashir Badr Poetry Collection 

Aa Jayen Hum Nazar Jo Koi Dum Bahut Hai Yan..

Meer Taqi Meer Poetry

Aa jaayen hum nazar jo koi dum bahut hai yan,
mohlat humen bisaan-e-sharar kam bahut hai yan.

Yak lehza seena-kobi se fursat humen nahin,
yaani ki dil ke jaane ka maatam bahut hai yan.

Haasil hai kya siwaaye taraai ke dahr mein,
uth aasmaan tale se ki shabnam bahut hai yan.

Maail-baghair hona tujh abroo ka aib hai,
thi zor ye kamaan wale kham-cham bahut hai yan.

Hum rah-rawaan-e-raah-e-fana der reh chuke,
waqfa bisaan-e-subh koi dum bahut hai yan.

Iss but-kade mein maani ka kis se karen sawaal,
aadam nahin hai soorat-e-aadam bahut hai yan.

Aalam mein log milne ki gon ab nahin rahe,
har-chand aisa waisa toh aalam bahut hai yan.

Waisa chaman se saada nikalta nahin koi,
rangeeni ek aur kham-o-cham bahut hai yan.

ejaaz-e-iswi se nahin behas ishq mein,
teri hi baat jaan mujassam bahut hai yan.

Mere halaak karne ka ghum hai abas tumhen,
tum shaad zindagaani karo ghum bahut hai yan.

Dil mat laga rukh-e-araq-aalood yaar se,
aaine ko utha ki zameen nam bahut hai yan.

Shaayad ki kaam subh tak apna khinche na ‘meer
ahwaal aaj shaam se darham bahut hai yan. !!

– Click here for Meer Taqi Meer poetry collection

Sitaaron Se Aage Jahaan Aur Bhi Hain..

Allama Iqbal Poetry

Sitaaron se aage jahaan aur bhi hain,
abhi ishq ke imtihaan aur bhi hain.

Tahi zindagi se nahin ye fazaayen,
yahan saikadon kaarwaan aur bhi hain.

Qanaa.at na kar aalam-e-rang-o-boo par,
chaman aur bhi aashiyaan aur bhi hain.

Agar kho gaya ek nasheman toh kya ghum,
maqaamaat-e-aah-o-fughaan aur bhi hain.

Tu shaaheen hai parwaaz hai kaam tera,
tere saamne aasmaan aur bhi hain.

Issi roz-o-shab mein ulajh kar na reh jaa,
ki tere zamaan-o-makaan aur bhi hain.

Gaye din ki tanha tha main anjuman mein,
yahan ab mere raazdaan aur bhi hain. !!

– Click here for Allama Iqbal Poetry collection

Daayam Pada Hua Tere Dar Par Nahin Hun Main..

Mirza Ghalib Poetry

Daayam pada hua tere dar par nahin hun main,
khaak aisi zindagi pe ki patthar nahin hun main.

Kyon gardish-e-mudaam se ghabra na jaaye dil,
insaan hun pyaala-o-saaghar nahin hun main.

Yaa rab zamana mujh ko mitaata hai kis liye,
lauh-e-jahaan pe harf-e-mukarrar nahin hun main.

Had chaahiye sazaa mein uqoobat ke waaste,
aakhir gunaahgaar hun kaafir nahin hun main.

Kis waaste azeez nahin jaante mujhe,
laal-o-zumurrud-o-zar-o-gauhar nahin hun main.

Rakhte ho tum kadam meri aankhon se kyon daregh,
rutbe mein mehr-o-maah se kamtar nahin hun main.

Karte ho mujh ko mana-e-kadam-bos kis liye,
kya aasmaan ke bhi baraabar nahin hun main.

Ghalib’ wazeefa-khwar ho do shaah ko dua,
woh din gaye ki kehte the naukar nahin hun main. !!

– Click here for Mirza Ghalib Poetry collection

Apne Ghum Ka Mujhe Kahan Ghum Hai..

Firaq Gorakhpuri Poetry

Apne ghum ka mujhe kahan ghum hai,
aye ki teri khushi muqaddam hai.

Uss ke shaitaan ko kahan taufiq,
ishq karna gunaah-e-aadam hai.

Ek tadap mauj-e-tah-nashin ki tarah,
zindagi ki bina-e-mokham hai.

Ye bhi nazm-e-hayaat hai koi,
zindagi, zindagi ka maatam hai.

Roop ke jot zer-e-paraahan,
gulsitaan par rida-e-shabnam hai.

Aah ye mehrbaaniyaan teri,
shaadmaani ki aankh purnam hai.

Narm-o-doshiza kis qadar hai nigaah,
har nazar daastaan-e-maryam hai.

Mehr-o-mah shola-haa-e-saaz-e-jamaal,
jis ki jhankaar itni maddham hai.

Diye jaati hai lau sadaa-e-‘firaq
haan wahi soz-o-saaz kam kam hai. !!

–  Click Here For Firaq Gorakhpuri Poetry Collection