Home / Tag Archives: zakhm

Tag Archives: zakhm

Main Hun Raat Ka Ek Baja Hai..

Nasir Kazmi Poetry

 Main hun raat ka ek baja hai,
 khaali rasta bol raha hai. 

 Aaj toh yun khaamosh hai duniya,
 jaise kuchh hone waala hai.

 Kaisi andheri raat hai dekho ,
 apne aap se dar lagta hai.

 Aaj toh shehar ki ravish ravish par ,
 patton ka mela sa laga hai.

 Aao ghaas pe sabhaa jamaayen,
 maikhana toh band pada hai.

 Phool toh saare jhadh gaye lekin,
 teri yaad ka zakhm haraa hai.

 Tune jitna pyar kiya tha,
 dukh bhi mujhe utna hi diya hai.

 Ye  bhi hai ek tarah ki mohabbat,
 main tujh se  tu mujh se juda hai.

 Ye teri manzil woh mera rasta,
 tera mera saath hi kya hai.

 Maine toh eroothna, k baat kehi thi,
 kya tu sach-much rooth gaya hai.

 Aisa gaahak kaun hai jis ne,
 sukh de kar dukh mol liya hai.

 Tera rasta takte takte,
 khet gagan ka sookh chala hai.

 Khidki khol ke dekh toh baahar,
 der se koi shakhs khada hai.

 Saari basti so gayi ‘nasir
 tu ab tak kyon jaag raha hai. !!

Nasir Kazmi Poetry Collection

Subscribe us for nasir kazmi shayari, ghazals, urdu poets, nazms, poems, shairy, hindi, english font.

 

Zakhmon Ko Rafoo Kar Len Dil Shaad Karen Phir Se..

Shahryar Poetry

Zakhmon ko rafoo kar len dil shaad karen phir se,
khwaabon ki koi duniya aabaad karen phir se.

Muddat hui jeene ka ehsaas nahin hota,
dil un se taqaaza kar bedaad karen phir se.

Mujrim ke katghre mein phir hum ko khada kar do,
ho rasm-e-kohan taaza fariyaad karen phir se.

Aey ahl-e-junoon dekho zanjeer hue saaye,
hum kaise unhen socho aazaad karen phir se.

Ab jii ke behalne ki hai ek yehi soorat,
beeti hui kuchh baaten hum yaad karen phir se. !!

Shahryar Poetry Collection

Subscribe us for shahryar shayari, ghazals, poems, nazms, urdu poets, shair. 

Zakhm Yun Muskura Kar Khilte Hain..

Bashir Badr Poetry

Zakhm yun muskura kar khilte hain,
jaise woh dil ko chhoo kar gujre hain.

Dard ka chaand aansuon ke taare,
dil ke aangan mein aaj utre hain.

Raakh ke dher jaise sard makaan,
chaand un badliyon mein rehte hain.

Aaino ka koi qasoor nahin,
un mein apne hi photo hote hain.

Gaur se dekh khaak tanha nahin,
saath phoolon ke rang udte hain.

Un se raat ki khabar suno saahab,
badr’ ji raat raat ghume hain. !!

Bashir Badr Poetry Collection

Subscribe us for bashir badr shayari , urdu poetry , nazms , poetry, ghazals , poems , shair.

Sahil Par Ruk Gaye The Zara Der Ke Liye..

Bashir Badr Poetry

Saahil par ruk gaye the zara der ke liye,
aankhon se dil mein kitne samandar utar gaye.

Jin par likhi hui thi mohabbat ki daastaan,
woh chaak chaak purje hawa mein bikhar gaye.

Paaya jo muskaraate hue keh uthi bahaar,
jo zakhm pichhle saal lagaaye gaye the bhar gaye. ?

Mere labon par chaand ke tukde laraj gaye,
aankhon par jaise raat ke gesu bikhr gaye.

Talvon par jab narm dhoop ne gudgudi si kari,
palkon par soye chandani ke khwab dar gaye. !!

Bashir Badr Poetry Collection

Subscribe us for bashir badr shayari, urdu poetry, shayari, ghazals, nazms, poems, poetry, shair.

Zakhm Par Chhidken Kahan Tiflan-e-Beparwa Namak..

Mirza Ghalib Poetry

Zakhm par chhidken kahan tiflaan-e-be-parwa namak,
kya maza hota agar patthar mein bhi hota namak.

Gard-e-raah-e-yaar hai saamaan-e-naaz-e-zakhm-e-dil,
warna hota hai jahan men kis qadar paida namak.

Mujh ko arzaani rahe tujh ko mubaarak ho jyun,
naala-e-bulbul ka dard aur khanda-e-gul ka namak.

Shor-e-jaulaan tha kanaar-e-bahr par kis ka ki aaj,
gard-e-saahil hai ba-zakhm-e-mauja-e-dariya namak.

Daad deta hai mere zakhm-e-jigar ki waah waah,
yaad karta hai mujhe dekhe hai woh jis ja namak.

Chhod kar jaana tan-e-majrooh-e-aashiq haif hai,
dil talab karta hai zakhm aur maange hain aaza namak.

Ghair ki minnat na khinchunga pai-e-taufir-e-dard,
zakhm misl-e-khanda-e-qaatil hai sar-taa-paa namak.

Yaad hain ‘ghalib’ tujhe woh din ki wajd-e-zauq mein,
zakhm se girta toh main palkon se chunta tha namak. !!

– Click  here for read all  Mirza Ghalib Poetry Collection

Zakhm Jhele Dagh Bhi Khaye Bahut..

Meer Taqi Meer Poetry

Zakhm jhele daagh bhi khaaye bahut,
dil laga kar hum toh pachhtaaye bahut.

Jab na tab jagah se tum jaaya kiye,
hum toh apni or se aaye bahut.

Dair se su-e-haram aaya na tuk,
hum mizaaj apna idhar laaye bahut.

Phool gul shams-o-qamar saare hi the,
par humen un mein tumhin bhaaye bahut.

Gar buka iss shor se shab ko hai toh,
rowenge sone ko hum-saaye bahut.

Woh jo nikla subh jaise aaftaab,
rashk se gul phool murjhaaye bahut.

‘Meer’ se poochha jo main aashiq ho tum,
ho ke kuchh chupke se sharmaaye bahut. !!

– Click here for Meer Taqi Meer poetry collection

Aabroo Kya Khaak Uss Gali Mein Nahin..

Mirza Ghalib Poetry

Aabroo kya khaak uss gali mein nahin,
hai garebaan nang-e-pairaahan jo daaman mein nahin.

Zof se aey girya kuchh baaqi mere tan mein nahin,
rang ho kar udd gaya jo khoon ki daaman mein nahin.

Ho gaye hain jamaa ajzaa-e-nigaah-e-aaftaab,
zarre uss ke ghar ki deewaaron ke rauzan mein nahin.

Kya kahun taariki-e-zindaan-e-ghum andher hai,
pamba noor-e-subh se kam jis ke rauzan mein nahin.

Raunaq-e-hasti hai ishq-e-khana veeraan saaz se,
anjuman be-shamaa hai gar barq khirman mein nahin.

Zakhm silwaane se mujh par chaara-jui ka hai taan,
ghair samjha hai ki lazzat zakhm-e-sozan mein nahin.

Bas-ki hain hum ek bahaar-e-naaz ke maare hue,
jalwa-e-gul ke siwa gard apne madfan mein nahin.

Qatra qatra ek hayoola hai naye naasoor ka,
khoon bhi zauq-e-dard se faarigh mere tan mein nahin.

Le gayi saaqi ki nakhwat qulzum-aashaami meri,
mauj-e-mayy ki aaj rag meena ki gardan mein nahin.

Ho fishaar-e-zof mein kya naa-tawaani ki numood,
qad ke jhukne ki bhi gunjaaish mere tan mein nahin.

Thi watan mein shaan kya ‘ghalib’ ki ho ghurbat mein qadr,
be-takalluf hun woh musht-e-khas ki gulkhan mein nahin. !!

– Click here for Mirza Ghalib Poetry collection

Dil Par Jo Zakhm Hain Woh Dikhayen Kisi Ko Kya..

Habib Jalib Poetry

Dil par jo zakhm hain woh dikhaayen kisi ko kya,
apna shareek-e-dard banaayen kisi ko kya.

Har shakhs apne apne ghumon mein hai mubtalaa,
zindaan mein apne saath rulaayen kisi ko kya.

Bichhde hue woh yaar woh chhode hue dayaar,
reh reh ke hum ko yaad jo aayen kisi ko kya.

Rone ko apne haal pe tanhaai hai bahut,
uss anjuman mein khud pe hansaayen kisi ko kya.

Woh baat chhed jis mein jhalakta ho sab ka ghum,
yaadein kisi ko tujh ko sataayen kisi ko kya.

Soye hue hain log toh honge sukoon se,
hum jaagne ka rog lagaayen kisi ko kya.

Jalib’ na aayega koi ahwaal poochhne,
dein shehar-e-be-hisaan mein sadaayen kisi ko kya. !!

– Click Here For Habib Jalib Poetry, Poems  Collection

Meri Nazar Se Na Ho Door Ek Pal Ke Liye..

Qateel Shifai Poetry

Meri nazar se na ho door ek pal ke liye,
tera wajood hai laazim meri ghazal ke liye.

Kahan se dhoond ke laaun charaagh se woh badan,
taras gaye hain nigaahen kanwal kanwal ke liye.

Kisi kisi ke naseebon mein ishq likha hai,
har ek dimaagh bhala kab hai iss khalal ke liye.

Hui na jurrat-e-guftaar toh sabab ye tha,
mile na lafz tere husn-e-be-badal ke liye.

Sadaa jiye ye mera shehar-e-bemisaal jahaan,
hazaar jhonpade girte hain ek mehal ke liye.

Qateel’ zakhm sahun aur muskurata rahun,
bane hain daayre kya kya mere amal ke liye. !!

– Click Here For Qateel Shifai Poetry, Poems Collection

Haalaat Ki Ujdi Mehfil Mein Ab Koi Sulagta Saaz Nahin..

Qateel Shifai Poetry

Haalaat ki ujdi mehfil mein ab koi sulagta saaz nahin,
naghme toh lapakte hain lekin sholon sa kahin andaaz nahin.

Har barq-e-haseen ko dete hain zakhmon ke mehakte nazraane,
kaanton se bada iss gulshan mein phoolon ka koi dum-saaz nahin.

Ya saaya-e-gul ka hai ye karam ya farq hai daane paani ka,
panchhi toh wahi hain gulshan mein pehli si magar parwaaz nahin.

Marqad sa bana hai khushbu ka munh band kali ke seene mein,
aye shaam-e-gulistaan tu hi bataa ye bhi toh kisi ka raaz nahin.

Chhilke na suboo aur jhoom uthen qatra na mile aur pyaas bujhe,
ye zarf hai peene waalon ka saaqi ka koi eajaaz nahin.

Aye sehn-e-chaman ke zindaani kar jashn-e-tarab ki tayyaari,
bajte hain bahaaron ke kangan zanjeer ki ye aawaaz nahin. !!

 Click Here For Qateel Shifai Poetry, Poems Collection