Home / Tag Archives: waqt

Tag Archives: waqt

Ya Toh MiT Jaaiye Ya MiTa Dijiye..

Wajida Tabassum  Poetry

Ya toh miT jaaiye ya miTa dijiye,
kijiye jab bhi sauda khara kijiye.

Ab jafa kijiye ya wafa kijiye,
aakhari waqt hai bas dua kijiye.

Apne chehre se zulfen hata dijiye,
aur phir chaand ka saamana kijiye.

Har taraf phool hi phool khil jayenge,
aap aise hi hanste raha kijiye.

Aap ki ye hansi jaise ghoongharu baje
aur qayaamat hai kya ye bata dijiye. !!

Wajida Tabassum

Subscribe us for urdu poetry, shayari, ghazals, nazms, poems, shairy.

Woh Banjar Khet Ke Hissey Ka Paani Bech Deta Hai..

Urdu Poetry Ghazal

 Woh banjar khet ke hissey ka paani bech deta hai,
 kabhi dariya kabhi uss ki rawaani bech deta hai.

 Kisi bhi mantiqi* anjaam tak jaane nahin deta,
 kisi kirdaar se mil kar kahaani bech deta hai.

 Kisi taaza mohabbat ki kharidaari ki khaatir woh,
 kisi pichhli mohabbat ki nishaani bech deta hai.

 Koi tehreer bhi paaband kar sakti nahin uss ko,
 woh dastaawez ko bhi munh-zubaani bech deta hai.

 Usey tabdeel hone mein zara sa waqt lagta hai,
 nayi poshaak milte hi puraani bech deta hai. !!
 

*[Mantiqi=Logical

Urdu Ghazal Collection

Subscribe us for urdu shayari, ghazals, nazms, poems, shair-o-shayari. 

 

Is Waqt Wahan Kaun Dekhne Jaaye..

Two (2) Line Urdu Poetry

Iss waqt wahan kaun dhuaan dekhne jaaye,
akhbaar mein padh lenge kahan aag lagi thi ..!

Two  Line Urdu Poetry Collection

Subscribe us for  2 line urdu shayari, poetry, shair, ghazals, nazms, poems, shairy. 

Kaun Kehta Hai Waqt Marta Nahin..

December Two Line Poetry

Kaun Kehta hai waqt marta nahin,
hum ne saalon ko khatm hote dekha hai december mein …!

December Poetry Collection Two (2) Line Poetry Collection

Subscribe us for latest December two line shayari, ghazals, nazms, poems, urdu poets. 

 

Zindagi Jab Bhi Teri Bazm Mein Laati Hai Humen..

Shahryar Poetry

Zindagi jab bhi teri bazm mein laati hai humen,
ye zameen chaand se behtar nazar aati hai humen.

Soorkh phoolon se mehak uthti hain dil ki raahen,
din dhale yun teri aawaaz bulaati hai humen.

Yaad teri kabhi dastak kabhi sargoshi se,
raat ke pichhle pehar roz jagaati hai humen.

Har mulaaqaat kaa anjaam judaai kyon hai,
ab toh har waqt yehi baat sataati hai humen. !!

Shahryar Poetry Collection

Subscribe us for shahryar ghazals, poems, shayari, nazms, shair, urdu poets. 

Naam Usi Ka Sawere Shaam Likha..

Bashir Badr Poetry

Naam ussi ka sawere shaam likha,
sher likha ya khat, uss ko gumnaam likha.

Uss din pehla phool khila jab patjhad ne,
patti patti jod ke tera naam likha.

Uss bachche ki copy aksar padhta hun,
sooraj ke maathe par jis ne shaam likha.

Kaise donon waqt gale milte hain roz,
ye manzar maine dushman ke naam likha.

Saat zameenen ek sitaara naya naya,
sadiyon baad ghazal ne koi naam likha.

Meer’, kabeer’, bashir’, issi maqtab ke hain,
aa dil ke maqtab mein apna naam likhaa. !!

Bashir Badr Poetry Collection

Subscribe us for more bashir badr shayari, nazms, poems, ghazals, shairy, shair, urdu poets. 

Aandhiyan Aati Thi Lekin Kabhi Aisa Na Hua..

Shahryar Poetry

Aandhiyaan aati thi lekin kabhi aisa na hua,
khauf ke maare juda shaakh se patta na hua.

Rooh ne pairahan-e-jism badal bhi daala,
ye alag baat kisi bazm mein charcha na hua.

Raat ko din se milaane ki hawas thi hum ko,
kaam achchha na tha anjaam bhi achchha na hua.

Waqt ki dor ko thaame rahe mazbooti se,
aur jab chhooti toh afsos bhi iss ka na hua.

Khoob duniya hai ki sooraj se raqaabat thi jinhen,
un ko haasil kisi deewaar ka saaya na hua. !!

Shahryar Poetry Collection

Subscribe us for all Urdu Poetry, Urdu legend Poet’s Poetry.

Woh Ghazal Padhne Mein Lagta Bhi Ghazal Jaisa Tha..

Munawwar Rana Poetry

Woh ghazal padhne mein lagta bhi ghazal jaisa tha,
sirf ghazlen nahin lehja bhi ghazal jaisa tha.

Waqt ne chehre ko bakhshi hai kharaashen warna,
kuchh dinon pehle ye chehra bhi ghazal jaisa tha.

Tum se bichchda toh pasand aa gayi betarteebi,
iss se pehle mera kamra bhi ghazal jaisa tha.

Koi mausam bhi bichchad kar humein achchha na laga,
waise paani ka barasna bhi ghazal jaisa tha.

Neem ka ped tha, barsaat thi aur jhoola tha,
gaaon mein guzra zamana bhi ghazal jaisa tha.

Woh bhi kya din the tere paaon ki aahat sun kar,
dil ka seene mein dhadakna bhi ghazal jaisa tha.

Ek ghazal dekhti rehti thi dareeche se mujhe,
sochta hun woh zamana bhi ghazal jaisa tha.

Kuchh tabiyat bhi ghazal kehne pe amaada thi,
kuchh tera phoot ke rona bhi ghazal jaisa tha.

Mera bachpan tha, mera ghar tha, khilone the mere,
sar par maa-baap ka saaya bhi ghazal jaisa tha.

Narm-o-naazuk sa, bahut shokh sa, sharmeela sa,
kuchh dinon pehle toh ‘rana’ bhi ghazal jaisa tha. !!

Click Here For Munawwar Rana Poetry Collection

Afsos Ki Dandan Ka Kiya Rizq Falak Ne

Mirza Ghalib Poetry

Afsos ki dandaan ka kiya rizq falak ne,
jin logon ki thi dar-khur-e-aqd-e-guhar angusht.

Kaafi hai nishaani tera chhalle ka na dena,
Khaali mujhe dikhla ki ba-waqt-e-safar angusht.

Likhta hun ‘asad’ sozish-e-dil se sukhan-e-garm,
ta rakh na sake koi mere harf par angusht. !!

 Click here for Mirza Ghalib Poetry collection

Aah Jis Waqt Sar Uthaati Hai..

Meer Taqi Meer Poetry

Aah jis waqt sar uthaati hai,
arsh par barchhiyaan chalaati hai.

Naaz-bardaar-e-lab hai jaan jab se,
tere khat ki khabar ko paati hai.

Aey shab-e-hijr raast keh tujh ko,
baat kuchh subh ki bhi aati hai

Chashm-e-baddoor-chasm-e-tar aey ‘meer
aankhen toofaan ko dikhaati hai. !!

– Click here for Meer Taqi Meer Poetry Collection