Home / Tag Archives: Titali-shayari

Tag Archives: Titali-shayari

Suna Hai Log Usey Aankh Bhar Ke Dekhte Hain..

Painting of beautiful women- ahmad faraz shayari- poetry picture- beautiful painting

Suna hai log usey aankh bhar ke dekhte hain,
so uss ke shehar mein kuchh din thehar ke dekhte hain.

Suna hai rabt hai uss ko kharaab haalon se,
so apne aap ko barbaad kar ke dekhte hain.

Suna hai dard ki gaahak hai chashm-e naaz uss ki,
so hum bhi uss ki gali se guzar ke dekhte hain.

Suna hai uss ko bhi hai sher-o shayari se shaghaf,
so hum bhi mojzey apne hunar ke dekhte hain.

Suna hai bole toh baaton se phool jhadte hain,
ye baat hai toh chalo baat kar ke dekhte hain.

Suna hai raat usey chaand takta rehta hai,
sitaare baam-e falak se utar ke dekhte hain.

Suna hai din ko usey titliyan staati hain,
suna hai raat ko jugnu thehar ke dekhte hain.

Suna hai hashr hain uss ki ghazaal si aankhein,
suna hai uss ko hiran dasht bhar ke dekhte hain.

Suna hai raat se badh kar hain kaakulen uss ki,
suna hai shaam ko saaye guzar ke dekhte hain.

Suna hai uss ki siyaah chashmagi qayamat hai,
so uss ko surma-farosh aah bhar ke dekhte hain.

Suna hai uss ke labbon se ghulaab jalte hain,
so hum bahaar pe ilzaam dhar ke dekhte hain.

Suna hai aaina timsaal hai jabeen uss ki,
jo saada dil hain usey ban sanwar ke dekhte hain.

Suna hai jab se hamaail hai uski gardan mein,
mizaaj aur hi laal-o gouhar ke dekhte hain.

Suna hai chashm-e tasawwur se dasht-e imkaan mein,
palang zaaviye uss ki kamar ke dekhte hain.

Suna hai uss ke badan ki taraash aisi hai,
ki phool apni qabaayen katar ke dekhte hain.

Woh sarv-qadd hai magar be-gul-e-muraad nahin,
ki uss shajar pe shagoofe samar ke dekhte hain.

Bas ek nigaah se lut,ta hai qaafila dil ka,
so raah-rawan-e-tamanna bhi dar ke dekhte hain.

Suna hai uss ke shabistaan se mutassil hai bahisht,
makeen udhar ke bhi jalwe idhar ke dekhte hain.

Ruke toh gardishein uska tawaaf karti hain,
chale toh uss ko zamaane thehar ke dekhte hain.

Kise naseeb ki be-pairhan usey dekhe,
kabhi kabhi dar-o deewar ghar ke dekhte hain.

Kahaniyan hi sahi sab mubalghe hi sahi,
agar woh khwaab hai tabeer kar ke dekhte hain.

Ab uss ke shehar mein thehrein ki kooch kar jayen,
Faraz aao sitaare safar ke dekhte hain. !!

Suna Hai Log Usey Aankh Bhar Ke Dekhte Hain..
4.8 (96.67%) 6 vote[s]

Humari Khoj Mein Rehti Thi Titliyaan Aksar..

Humari khoj mein rehti thi  titliyaan aksar..

Ki apne shehar ka husn-o jamaal the hum bhi …!

Humari Khoj Mein Rehti Thi Titliyaan Aksar..
4.5 (90%) 8 vote[s]

Ajab Duniya Hai Na Shayar Yahan Par Sar Uthate Hain..

Ajab duniya hai na shayar yahan par sar uthate hain,
Jo shayar hain woh mehfil mein dari chaadar uthate hain.

Tumhare shehar mein mayyat ko sab kandha nahin dete,
Humare gaaon mein chhappar bhi sab mil kar uthate hain.

Inhe firakpasti mat sikha dena ki ye bacche,
Zameen se chun kar titli ke toote par uthate hain.

Samundar ke safar mein waapsi ka kya bharosa hai,
Toh aye saahil khuda haafiz ki hum langar uthate hain.

Ghazal hum tere aashiq hain magar ek pett ke khaatir,
Kalam kis par uthana tha kalam kis par uthate hain.

Bure chehre ke jaanib dhekne ki had bhi hoti hai
Sambhaalna aaina-kano ki hum patthar uthate hain. !!

Ajab Duniya Hai Na Shayar Yahan Par Sar Uthate Hain..
5 (100%) 3 vote[s]