Home / Tag Archives: saahil-shayari

Tag Archives: saahil-shayari

Har Zulm Tera Yaad Hai Bhoola Toh Nahin Hun..

Boy-Girl-on-bridge-rude-in-evening-ghazal-shayari-poetry

Har zulm tera yaad hai bhoola toh nahin hun,
aye wada-e faramosh main tujh sa toh nahin hun.

Saahil pe khade ho tumhe kya ghum chale jana,
main doob raha hun abhi dooba toh nahin hun.

Chup chaap sahi maslehatan waqt ke haathon,
majboor sahi waqt se haara toh nahin hun.

Muztar kyon mujhe dekhta rehta hai zamana,
deewana sahi unka tamasha toh nahin hun …!!

Poet: Altaf Muztar

Pedd Ke Patton Mein Hulchul Hai Khabardaar Se Hain..

Pedd ke patton mein hulchul hai khabardaar se hain,
shaam se tezz hawa chalne ke aasaar se hain.

Na’khuda dekh raha hai ki main girdaab mein hun,
aur jo pul pe khade log hain akhbaar se hain.

Chadhte sailaab mein saahil ne toh munh dhaanp liya,
log paani ka kafan lene ko taiyyaar se hain.

Kal twaarikh mein dafnaaye gaye the jo log,
un ke saaye abhi darwaazon pe bedaar se hain.

Waqt ke teer ko seene pe sambhaale hum ne,
aur jo neel pade hain teri guftaar se hain.

Rooh se chhile hue jism jahan bikte hain,
hum ko bhi bech de hum bhi ussi bazaar se hain.

Jab se woh ahl-e siyaasat mein hue hain shaamil,
kuchh udhar ke hain toh kuchh mere tarafdaar se hain. !!

Abhi Kuchh Aur Karishme Ghazal Ke Dekhte Hain..

Abhi kuchh aur karishme ghazal ke dekhte hain,
faraz ab zara lehza badal ke dekhte hain.

Judaaiyan toh muqaddar hain phir bhi jaan-e safar,
kuchh aur door zara saath chal ke dekhte hain.

Raah-e wafa mein hareef-e khiraam koi toh ho,
so apne aap se aage nikal ke dekhte hain.

Tu saamne hai toh phir kyon yakeen nahin aata,
ye baar baar jo aankhon ko mal ke dekhte hain.

Ye kaun log hain maujood teri mehfil mein?
jo laalachon se tujhe, mujh ko jal ke dekhte hain.

Ye qurb kya hai ki yak-jaan hue na door rahe,
hazaar ek hi qaalib mein dhal ke dekhte hain.

Na tujh ko maat hui na mujh ko maat hui,
so ab ke dono hi chaalen badal ke dekhte hain.

Ye kaun hai sar-e saahil ki doobne wale,
samundaron ki tahon se uchhal ke dekhte hain.

Abhi talak toh na kundan hue na raakh hue,
hum apni aag mein har roz jal ke dekhte hain.

Bahut dino se nahin hai kuchh uss ki khair khabar,
chalo ‘faraz ko aye yaar chal ke dekhte hain. !!

Ab Shouk Se Ki Jaan Se Guzar Jana Chahiye..

lonely-boy-man-boy on boat- sad-boy- boy in memories- rude boy- ahmad faraz-poetry-shayari

Ab shouk se ki jaan se guzar jana chahiye,
bol aye hawa-e shehar kidhar jana chahiye.

Kab tak issi ko aakhiri manzil kahenge hum,
koo-e muraad se bhi udhar jana chahiye.

Woh waqt aa gaya hai ki saahil ko chhod kar,
gehre samundaron mein utar jana chahiye.

Ab rabtgaan ki baat nahin kaarwan ki hai,
jis simt bhi ho gard-e safar jana chahiye.

Kuchh toh suboot-e khoon-e tamanna kahin mile,
hai dil tahi toh aankh ko bhar jana chahiye.

Ya apni khwaahishon ko muqaddas na jaante,
ya khawahishon ke saath hi mar jana chahiye. !!