Home / Tag Archives: roshan

Tag Archives: roshan

Khandani Rishton Mein Raqaabat Bahut Hai..

Bashir Badr Poetry

Khaandaani rishton mein aksar raqaabat hai bahut,
ghar se nikalo toh ye duniya khubsoorat hai bahut.

Apne kaalez mein bahut maghroor jo mash-hoor hai,
dil mera kehta hai uss ladki mein chaahat hai bahut.

Un ke chehre chaand taaron ki tarah roshan hue,
jin ghareebon ke yahan husn-e kifaayat hai bahut.

Hum se ho nahin sakti duniya ki duniyadaariyan,
ishq ki deewar ke saaye mein raahat hai bahut.

Dhoop ki chaadar mere sooraj se kehna bhej de,
ghurbaton ka daur hai jaadon ki shiddat hai bahut.

Un andheron mein jahan sehami hui thi ye zameen,
raat se tanha lada, jugnu mein himmat hai bahut. !!

Bashir Badr Poetry Collection

Subscribe us for Bashir Badr Shayari, Urdu Poetry, Poems, Nazms, Ghazals, Urdu Legend Poets.

Ab Jo Koi Poochhe Bhi Toh Us Se Kya Sharh e Haalaat Karen..

Faiz Ahmed Faiz Poetry

Ab jo koi poochhe bhi toh uss se kya sharh-e-haalaat karen,
dil thehre toh dard sunaayen dard thame toh baat karen.

Shaam hui phir josh-e-qadah ne bazm-e-harifaan roshan ki,
ghar ko aag lagaayen hum bhi roshan apni raat karen.

Qatl-e-dil-o-jaan apne sar hai apna lahoo apni gardan pe,
mohr-ba-lab baithe hain kis ka shikwa kis ke saath karen.

Hijr mein shab bhar dard-o-talab ke chaand sitaare saath rahe,
subh ki veerani mein yaaro kaise basar auqaat karen. !!

– Faiz Ahmed Faiz

Jab Se Usne Shehar Ko Chhoda Har Raasta Sunsaan Hua..

Jab se usne shehar ko chhoda har raasta sunsaan hua,
apna kya hai saare shehar ka ek jaisa nuksaan hua.

Ye dil ye aaseb ki nagari maskan sochon wehamon ka,
soch raha hun iss nagari mein tu kab se mehmaan hua.

Sehra ki munh zor hawayein auron se mansub hui,
muft mein hum aawaara thahre muft mein ghar weeraan hua.

Mere haal pe hairat kaisi dard ke tanha shehar mein,
patthar bhi ro padte hain insaan toh phir insaan hua.

Itni der mein ujde dil par kitne mahshar beet gaye,
jitni der mein tujh ko paa kar khone ka imkaan hua.

Kal tak jis ke gird tha raqsaan ek amboh sitaaron ka,
aaj ussi ko tanha paa kar main toh bahut hairaan hua.

Uske zakhm chhupa kar rakhiye khud uss shakhs ki nazaron se,
uss se kaisa shikwa kijiye woh toh abhi nadaan hua.

Jin ashkon ki phiki lau ko hum bekaar samajhte the,
un ashkon se kitna roshan ek taarik makaan hua.

Yun bhi kam-aamez  tha mohsin woh iss shehar ke logon mein,
lekin mere saamne aa kar aur bhi kuchh anjaan hua. !!

*[ aaseb=evil spirit | mahshar=the last day | kam-aamez=less mixed
raqsaan=dancing | amboh=a crowd | taarik=dark ]

 

Iss Kabootar Ko Kisi Chhat Pe Utar Jana Hai..

Mujh ko gehraai mein mitti ki utar jana hai,
zindagi baandh le samaan-e safar jana hai.

Ghar ki dehleez pe roshan hain woh bujhti hui aankhen,
mujh ko mat rok mujhe laut ke ghar jana hai.

Main woh mele mein bhatakta hua ek baccha hun,
jis ke maa baap ko rote hue marr jana hai.

Zindagi taash ke patton ki tarah hai meri,
aur patton ko behar’haal bikhar jana hai.

Ek benaam se rishte ki tamanna le kar,
iss kabootar ko kisi chhat pe utar jana hai. !!

 

Mitti Mein Daba De Ki Juda Ho Nahi Sakta..

Mitti mein daba de ki juda ho nahi sakta,
ab iss se jyada main tera ho nahi sakta.

Dehleez pe rakh di hain kisi shakhs ne aankhen,
roshan kabhi itna toh diyya ho nahi sakta.

Bas tu meri aawaaz se aawaaz mila de,
phir dekh iss shehar mein kya ho nahi sakta.

Aye mout mujhe tune musibat se nikala,
sayyaad samjhaata tha riha ho nahi sakta.

Iss khaak-e badan ko pahuncha de wahan bhi,
kya itna karam baad-e saba ho nahi sakta.

Peshaani ko sajde bhi ataa kar mere moula,
aankhon se toh ye qarz adaa ho nahi sakta.

Darbaar mein jana mera dushwar bahut hai,
jo shakhs qalandar ho gadaa ho nahi sakta. !!