Home / Tag Archives: rishta

Tag Archives: rishta

Sannata Kya Chupke Chupke Kehta Hai..

Bashir Badr Poetry

Sannata kya chupke chupke kehta hai,
saaari duniya kis ka rain basera hai.

Aasmaan ke donon konon ke aakhir,
ek sitaara tera hai, ek mera hai.

Anda machhli chhu kar jin ko paap lage,
un ka poora haath lahoo mein dooba hai.

Aahista aahista dil par dastak do,
dheere dheere dil ka darwaaja khulta hai.

Sooraj ke ghar se uske ghar tak jaana,
kitna seedha saada dhoop ka rasta hai.

Saari raat lihaafon mein royi aankhen,
sab kehte the rishta naata jhootha hai. !!

Bashir Badr Poetry Collection

Subscribe us for latest urdu poets, ghazals, poems, nazms, shayari, shairy.

Sannata Kya Chupke Chupke Kehta Hai..
Please Rate this poetry!

Ye Chiragh Benazar Hai Ye Sitara Bezuban Hai – Bashir Badr

Bashir Badr Poetry

Ye chiraagh benazar hai ye sitaara bezubaan hai,
abhi tujh se milta julta koi dusra kahan hai.

Wahi shakhs jis pe apne dil-o-jaan nisaar kar dun,
woh agar khafa nahin hai toh zaroor badgumaan hai.

Kabhi paa ke tujh ko khona kabhi kho ke tujh ko paana,
ye janam janam ka rishta tere mere darmiyaan hai.

Mere saath chalne waale tujhe kya mila safar mein,
wahi dukh bhari zameen hai wahi ghum ka aasmaan hai.

Main issi gumaan mein barson mutmain raha hun,
tera jism betgaiyyur hai mera pyaar zaavidaan hai.

Unhi raaston ne jis par kabhi tum the saath mere,
mujhe rok rok poochha tera humsafar kahan hai. !!

Bashir Badr Poetry Collection

Subscribe us for Bashir badr & all urdu legend’s poetry, Ghazals, poems, nazms, shayaries.

Ye Chiragh Benazar Hai Ye Sitara Bezuban Hai – Bashir Badr
Please Rate this poetry!

Ze Bas Ki Mashq e Tamasha Junoon Alaamat Hai..

Mirza Ghalib Poetry

Ze-bas ki mashq-e-tamasha junoon alaamat hai,
kushad-o-bast-e-mizhah sili-e-nadaamat hai.

Na jaanun kyonki mite daagh-e-ta.an-e-bad-ahdi,
tujhe ki aaina bhi warta-e-malaamat hai.

Ba-pech-o-taab-e-hawas silk-e-aafiyat mat tod,
nigaah-e-ajz sar-e-rishta-e-salaamat hai.

Wafa muqaabil-o-daava-e-ishq be-buniyaad,
junoon-e-sakhta-o-fasl-e-gul qayaamat hai. !!

– Click here for Mirza Ghalib Poetry collection

Ze Bas Ki Mashq e Tamasha Junoon Alaamat Hai..
Please Rate this poetry!

Abhi Tum Soch Sakti Ho, Khud Ko Rok Sakti Ho..

sad boy-happy girl

Abhi tum soch sakti ho Khud ko rok sakti ho,
Abhi aaghaz-e mohabbat hai, tumhe aadat nahi meri..

Badi khudgharz duniya hai kabhi milne nahi degi,
Mujhe bhi tod daalegi, tujhe bhi tod daalegi..

Abhi aadat nahi tujh ko wasal ki haseen shaamon ki,
Abhi aadat nahi mujh ko teri aankhon mein khone ki..

Bada mushkil hota hai kisi ko chhod kar jana,
Ek dil ka rishta dusre se tod kar jana..

Ye duniya chhod deti hai,
Bharam sab tod deti hai..

Din bhar ke thake panchhi abhi waapas nahi loute,
Abhi sooraj nahi dooba, abhi taare nahi nikle..

Abhi kashti samander ki lehron se nahi uljhi,
Abhi kashti bhi teri hai, abhi tera kinara hai..

Abhi tum soch sakti ho, khud ko rok sakti ho
Abhi aagaz-e mohabat hai, tumhe aadat nahi meri ..!

Abhi Tum Soch Sakti Ho, Khud Ko Rok Sakti Ho..
4.8 (95%) 8 votes

Jab Bhi Dekha Mere kirdaar Pe Dhabba Koi..

Jab bhi dekha mere kirdaar pe dhabba koi,
derr tak baith ke tanhaai mein roya koi.

Log maazi ka bhi andaza laga lete hain,
mujh ko toh yaad nahi kal ka bhi qissa koi.

Be’sabab aankh mein aansu nahi aaya karte,
aap se hoga yaqeenan mera rishta koi.

Yaad aane laga ek dost ka bartaav mujhe,
toot kar gir pada jab shaakh se patta koi.

baad mein saath nibhaane ki qasam kha lena,
dekh lo jalta hua pehle patanga koi.

Usko kuchh derr suna leta hun roodaad-e safar,
raah mein jab kabhi mil jaata hai apna koi.

Kaise samajhega bichhadna woh kisi ka ‘rana
tooTte dekha nahin jis ne sitaara koi. !

Munawwar Rana

Jab Bhi Dekha Mere kirdaar Pe Dhabba Koi..
3.7 (74.29%) 7 votes

Naya Ek Rishta Paida Kyon Karein Hum..

Naya Ek Rishta Paida Kyon Karein Hum, 
Bichhadhna Hai Toh Jhagda Kyon Karein Hum. 

Wafa, Ikhlaas, Qurbaani, Mohabbat 
Ab Inn Lafzon Ka Peechha Kyon Karein Hum. 

Yeh Kaafi Hai Ki Hum Dushman Nahi Hain, 
Wafadaari Ka Daawa Kyon Karein Hum. 

Kiya Tha Ehad Jab Lamhon Mein Hum Ne, 
Toh Saari Umar Aeffa Kyon Karein Hum. 

Utha Kar Kyon Na Pheinken Saari Cheezein, 
Faqat Kamaron Mein Tehlaa Kyon Karein Hum. 

Barehna Hain Sar-e Bazaar Toh Kya, 
Bhala Andhon Se Parda Kyon Karein Hum. 

Hain Bashindey Issi Basti Ke Hum Bhi, 
So Khud Par Bhi Bharosa Kyon Karein Hum. 

Nahi Duniya Ko Jab Parwaah Humari, 
Toh Phir Duniya Ki Parwaah Kyon Karein Hum. 

Padi Rehne Do Insaanon Ki Laashein, 
Zameen Ka Bojh Halka Kyon Karein Hum. 

Yeh Basti Hai Musalmaanon Ki Basti, 
Yahan Kar-e Masiha Kyon Karein Hum. !

Naya Ek Rishta Paida Kyon Karein Hum..
3 (60%) 4 votes