Home / Tag Archives: Raat (page 3)

Tag Archives: Raat

Aaj Chandni Bhi Meri Tarah Jaag Rahi Hai..

Bashir Badr Poetry

Aaj chaandani bhi meri tarah jaag rahi hai,
palakon pe sitaroon ko liye raat khadi hai.

Ye baat ki soorat ke bhale dil ke bure hon,
allaah kare jhooth ho bahuton se suni hai.

Woh maathe ka matlaa ho ki honthon ke do misre,
bachpan ki ghazal hi meri mehboob rahi hai.

Ghazlon ne wahin zulfon ke phailaa diye saaye,
jin raahon pe dekha hai bahut dhoop kadi hai.

Hum dilli bhi ho aaye hain lahore bhi ghume,
aey  yaar magar teri gali, teri gali hai. !!

Bashir Badr Poetry Collection

Subscribe Us For Bashir Badr Shayari, Urdu Poetry, Ghazals, Urdu Legend Poets, Nazms, Shair-o-shairy.

Aaj Chandni Bhi Meri Tarah Jaag Rahi Hai..
Please Rate this poetry!

Khandani Rishton Mein Raqaabat Bahut Hai..

Bashir Badr Poetry

Khaandaani rishton mein aksar raqaabat hai bahut,
ghar se nikalo toh ye duniya khubsoorat hai bahut.

Apne kaalez mein bahut maghroor jo mash-hoor hai,
dil mera kehta hai uss ladki mein chaahat hai bahut.

Un ke chehre chaand taaron ki tarah roshan hue,
jin ghareebon ke yahan husn-e kifaayat hai bahut.

Hum se ho nahin sakti duniya ki duniyadaariyan,
ishq ki deewar ke saaye mein raahat hai bahut.

Dhoop ki chaadar mere sooraj se kehna bhej de,
ghurbaton ka daur hai jaadon ki shiddat hai bahut.

Un andheron mein jahan sehami hui thi ye zameen,
raat se tanha lada, jugnu mein himmat hai bahut. !!

Bashir Badr Poetry Collection

Subscribe us for Bashir Badr Shayari, Urdu Poetry, Poems, Nazms, Ghazals, Urdu Legend Poets.

Khandani Rishton Mein Raqaabat Bahut Hai..
Please Rate this poetry!

Har Janam Mein Usi Ki Chahat The..

Bashir Badr Poetry

Har janam mein usi ki chaahat the,
hum kisi aur ki amaanat the.

Uss ki aankhon mein jhilmilaati hui,
hum ghazal ki koi alaamat the.

Teri chaadar mein tan samet liya,
hum kahan ke daraaz qaamat the.

Jaise jungle mein aag lag jaaye,
hum kabhi itne khoobsurat the.

Paas reh kar bhi door door rahe,
hum naye daur ki mohabbat the.

Is khushi mein mujhe khyaal aaya,
ghum ke din kitne khoobsurat the.

Din mein in jugnuon se kya lena,
ye diye raat ki zaroorat the. !!

Bashir Badr Poetry Collection

Subscribe us for bashir badr poems, urdu poetry, shayari, nazms, poetry, shair, ghazals, shairy.

Har Janam Mein Usi Ki Chahat The..
Please Rate this poetry!

Ye Bhi Kya Shaam e Mulaqat Aai..

Nasir Kazmi Poetry

Ye bhi kya shaam-e-mulaaqaat aayi,
lab pe mushkil se teri baat aayi.

Subh se chup hain tere hijr-naseeb,
haaye kya hoga agar raat aayi.

Bastiyaan chhod ke barse baadal,
kis qayaamat ki ye barsaat aayi.

Koi jab mil ke hua tha rukhsat,
dil-e betaab wahi raat aayi.

Saaya-e-zulf-e-butaan mein ‘nasir
ek se ek nayi raat aayi. !!

Nasir Kazmi Poetry Collection

Subscribe us for Nasir Kazmi Poems, Urdu poetry, Urdu Poets, Nazms, Ghazals, Shayari, Shairy.

Ye Bhi Kya Shaam e Mulaqat Aai..
Please Rate this poetry!

Ajeeb Saaneha Mujh Par Guzar Gaya Yaaro..

Shahryar Poetry

Ajeeb saaneha mujh par guzar gaya yaaro,
main apne saaye se kal raat dar gaya yaaro.

Har ek naqsh tamanna ka ho gaya dhundhla,
har ek zakhm mere dil ka bhar gaya yaaro.

Bhatak rahi thi jo kashti woh gharq-e-aab hui,
chadha hua tha jo dariya utar gaya yaaro.

Woh kaun tha woh kahan ka tha kya hua tha usey
suna hai aaj koi shakhs mar gaya yaaro.

Main jis ko likhne ke armaan mein jiya ab tak,
waraq waraq woh fasana bikhar gaya yaaro. !!

Shahryar Poetry Collection

Poetry Lovers ! Subscribe us for Urdu Poetry, Urdu Legend Poet’s Poetry.

Ajeeb Saaneha Mujh Par Guzar Gaya Yaaro..
Please Rate this poetry!

Aandhi Ki Zad Mein Shaam e Tamanna Jalaayi Jaye..

Shahryar Poetry

Aandhi ki zad mein shaam-e-tamanna jalaayi jaaye,
jis tarah bhi ho laaj junoon ki bachaayi jaaye.

Be-aab o be-giyaah hai ye dil ka dasht bhi,
ek nehar aansuon ki yahan bhi bahaayi jaaye.

Aajiz hain apne taala-e-bedaar se bahut,
har raat hum ko koi kahaani sunaayi jaaye.

Sab kuchh badal gaya hai magar log hain ba-zid,
mahtaab hi mein soorat-e-jaanan dikhaayi jaaye.

Kuchh saagharon mein zehar hai kuchh mein sharaab hai,
ye masala hai tishnagi kis se bujhaayi jaaye.

Shehron ki sarhadon pe hai sehraaon ka hujoom,
kya maajra hai aao khabar toh lagaayi jaaye.

Naazil ho jism o rooh pe jab behisi ka qehar,
uss waqt dosto ye ghazal gungunaayi jaaye. !!

Shahryar Poetry Collection

Subscribe us for Urdu Poetry. Urdu legend Poet’s Poetry, Poems, Nazms, Shayari, Love, Life, Sad.

Aandhi Ki Zad Mein Shaam e Tamanna Jalaayi Jaye..
Please Rate this poetry!

Aandhiyan Aati Thi Lekin Kabhi Aisa Na Hua..

Shahryar Poetry

Aandhiyaan aati thi lekin kabhi aisa na hua,
khauf ke maare juda shaakh se patta na hua.

Rooh ne pairahan-e-jism badal bhi daala,
ye alag baat kisi bazm mein charcha na hua.

Raat ko din se milaane ki hawas thi hum ko,
kaam achchha na tha anjaam bhi achchha na hua.

Waqt ki dor ko thaame rahe mazbooti se,
aur jab chhooti toh afsos bhi iss ka na hua.

Khoob duniya hai ki sooraj se raqaabat thi jinhen,
un ko haasil kisi deewaar ka saaya na hua. !!

Shahryar Poetry Collection

Subscribe us for all Urdu Poetry, Urdu legend Poet’s Poetry.

Aandhiyan Aati Thi Lekin Kabhi Aisa Na Hua..
Please Rate this poetry!