Home / Tag Archives: Raat

Tag Archives: Raat

Phir Wohi Raat, Wohi Dard, Wohi Khamoshi..

Two Line Urdu Raat Poetry

Phir wohi raat, wohi dard, wohi khaamoshi..
itna sannata hai ki kaan phatey jaate hain …! 

Raat Poetry Colection

– Subscribe our Urdu Poetry Blog for Ghazals, Shairy, Nazms, Poems, Shaayri, Poets.

Baandh Lein Haath Pe, Seene Pe Sajaa Lein Tum Ko..

Bandh Lein Hath Pe – Washi Shah Poetry

Baandh lein haath pe, seene pe sajaa lein tum ko
jee mein aata hai ki taaveez bana lein tum ko.

Phir tumhen roz sanwaaren, tumhen badhta dekhen
kyon na aangan mein chambeli sa laga lein tum ko.

Jaise baalon mein koi phool chuna karta hai
ghar ke guldaan mein phool sa saja lein tum ko.

Kya ajab khwaahish uthti hain humare dil mein
kar ke munna sa, hawaaon mein uchhaalen tum ko.

Iss qadar toot kar tum par pyaar aata hai
apni baahon mein bharen maar hi daalen tum ko.

Kabhi khwaabon ki tarha aankh ke parde mein raho
kabhi khwaahish ki tarha dil mein bula lein tum ko.

Hai tumhare liye kuchh aisi aqeedat dil mein
apne haathon mein dua sa utha lein tum ko.

Jaan dene ki ijaazat bhi nahin dete ho
warna mar jaayen abhi mar ke manaa lein tum ko.

Jis tarha raat ke seene mein hai mahtaab ka noor
apne taareek makaanon mein sajaa lein tum ko.

Ab toh bas ek hi khwaahish hai kisi mod par tum
hum ko bikhre hue mil jaao, sambhaalen tum ko. !!

Wasi Shah Poetry Collection

Subscribe our Poerty Blog for Upcoming 2015-16 Wasi Shah Poetry. Urdu Poets, Shayari, Ghazals, Nazm, Poems, Shairy.

Aalam Hi Aur Tha Jo Shanasaiyon Mein Tha..

Ada Jafri Poetry

Aalam hi aur tha jo shanasaiyon mein tha,
jo deep tha nigaah ki parchhaaiyon mein tha.

Woh be-panaah khauf jo tanhaiyon mein tha,
dil ki tamaam anjuman-aaraaiyon mein tha.

Ek lamha-e fusun ne jalaaya tha jo diya,
phir umar bhar khayaal ki raanaaiyon mein tha.

Ek khwaab-guun si dhoop thi zakhmon ki aanch mein,
ek saaebaan sa dard ki purwaaiyon mein tha.

Dil ko bhi ek jaraahat-e dil ne ataa kiya,
ye hausla ki apne tamaashaaiyon mein tha.

kaTta kahan taweel tha raaton ka silsila,
sooraj meri nigaah ki sachchaaiyon mein tha.

Apni gali mein kyon na kisi ko woh mil saka,
jo etimaad baadiya-paimaaiyon mein tha.

Is ahd-e-khud-sipaas ka puchho ho maajra,
masroof aap apni paziraaiyon mein tha.

Us ke huzoor shukr bhi aasaan nahin ada,
woh jo qareeb-e jaan meri tanhaaiyon mein tha. !!

Sannata Kya Chupke Chupke Kehta Hai..

Bashir Badr Poetry

Sannata kya chupke chupke kehta hai,
saaari duniya kis ka rain basera hai.

Aasmaan ke donon konon ke aakhir,
ek sitaara tera hai, ek mera hai.

Anda machhli chhu kar jin ko paap lage,
un ka poora haath lahoo mein dooba hai.

Aahista aahista dil par dastak do,
dheere dheere dil ka darwaaja khulta hai.

Sooraj ke ghar se uske ghar tak jaana,
kitna seedha saada dhoop ka rasta hai.

Saari raat lihaafon mein royi aankhen,
sab kehte the rishta naata jhootha hai. !!

Bashir Badr Poetry Collection

Subscribe us for latest urdu poets, ghazals, poems, nazms, shayari, shairy.

Tasveer Mein Jo Qaid Tha Woh Shakhs Raat Ko..

Two Line Tasweer Urdu Poetry

Tasweer mein jo qaid tha woh shakhs raat ko,
khud hi frame tod kar pehlu mein aa gaya …!

Two Line Poetry Collection Tasweer Poetry Collection

Subscribe us for urdu poets, ghazals, shayari, poems, nazms, shair. 

 

Khwaab In Aankhon Se Ab Koi Chura Kar Le Jaye..

Bashir Badr Poetry

Khwaab in aankhon se ab koi chura kar le jaaye,
qabr ke sookhe hue phool utha kar le jaaye.

Muntazir phool mein khusboo ki tarah hun kab se,
koi jhauken ki tarah aaye udaa kar le jaaye.

Ye bhi paani hai magar aankhon ka aisa paani,
jo hatheli pe rachi mehandi udaa kar le jaaye .

Main mohabbat se mehakta hua khat hun mujh ko,
zindagi apni kitaabon mein daba kar le jaaye.

Khaak insaaf hai na-beena buton ke aage,
raat thaali mein chiraaghon ko saja kar le jaaye. !!

Bashir Badr Poetry Collection

Subscribe us for bashir badr shayari, urdu poets, shair, ghazals, poems.

Main Hun Raat Ka Ek Baja Hai..

Nasir Kazmi Poetry

 Main hun raat ka ek baja hai,
 khaali rasta bol raha hai. 

 Aaj toh yun khaamosh hai duniya,
 jaise kuchh hone waala hai.

 Kaisi andheri raat hai dekho ,
 apne aap se dar lagta hai.

 Aaj toh shehar ki ravish ravish par ,
 patton ka mela sa laga hai.

 Aao ghaas pe sabhaa jamaayen,
 maikhana toh band pada hai.

 Phool toh saare jhadh gaye lekin,
 teri yaad ka zakhm haraa hai.

 Tune jitna pyar kiya tha,
 dukh bhi mujhe utna hi diya hai.

 Ye  bhi hai ek tarah ki mohabbat,
 main tujh se  tu mujh se juda hai.

 Ye teri manzil woh mera rasta,
 tera mera saath hi kya hai.

 Maine toh eroothna, k baat kehi thi,
 kya tu sach-much rooth gaya hai.

 Aisa gaahak kaun hai jis ne,
 sukh de kar dukh mol liya hai.

 Tera rasta takte takte,
 khet gagan ka sookh chala hai.

 Khidki khol ke dekh toh baahar,
 der se koi shakhs khada hai.

 Saari basti so gayi ‘nasir
 tu ab tak kyon jaag raha hai. !!

Nasir Kazmi Poetry Collection

Subscribe us for nasir kazmi shayari, ghazals, urdu poets, nazms, poems, shairy, hindi, english font.

 

Chaand Ke Charon Taraf Maili Ridayen Saath Hain..

Bashir Badr Poetry

Chaand ke chaaron taraf maili ridaayen saath hain,
khaak itni sar chadhi kis ki hawaayen saath hain.

Ek aurat se wafa karne ka ye tohfa mila,
jaane kitni auraton ki badduayen saath hain.

Ungliyan meri sitaaron tak pahunch sakti nahin,
mutthiyon mein jugnuon ki badduayen saath hain.

Din khila hai phool sa aur raat bheegi aankh si,
koi mausam ho yahan donon hawaayen saath hain.

Main hun ek kaaghaz ka tukda jaane kis ki khoj mein,
kyon mere peechhe zamane ki hawaayen saath hain. !!

Bashir Badr Poetry Collection

Subscribe us for bashir badr shayari, ghazals, urdu poetry, poems, nazms, shairy. 

Zindagi Jab Bhi Teri Bazm Mein Laati Hai Humen..

Shahryar Poetry

Zindagi jab bhi teri bazm mein laati hai humen,
ye zameen chaand se behtar nazar aati hai humen.

Soorkh phoolon se mehak uthti hain dil ki raahen,
din dhale yun teri aawaaz bulaati hai humen.

Yaad teri kabhi dastak kabhi sargoshi se,
raat ke pichhle pehar roz jagaati hai humen.

Har mulaaqaat kaa anjaam judaai kyon hai,
ab toh har waqt yehi baat sataati hai humen. !!

Shahryar Poetry Collection

Subscribe us for shahryar ghazals, poems, shayari, nazms, shair, urdu poets. 

Ab Toh Kuchh Aur Bhi Andhera Hai..

Hafeez Jalandhari Poetry

Ab toh kuchh aur bhi andhera hai,
ye meri raat ka sawera hai.

Rahzanon se toh bhaag nikla tha,
ab mujhe rahbaron ne ghera hai.

Aage aage chalo tabar waalo,
abhi jungle bahut ghanera hai.

Qaafila kis ki pairwi mein chale,
kaun sab se bada lootera hai.

Sar pe raahi ke sarbaraahi ne,
kya safaai ka haath phera hai.

Surma-aalood khushk aansuon ne,
noor-e-jaan khaak par bikhera hai.

Raakh raakh ustukhwaan safed safed,
yehi manzil yehi basera hai.

Aey meri jaan apne jee ke siwa,
kaun tera hai kaun mera hai.

So raho ab ‘hafeez’ ji tum bhi,
ye nayi zindagi ka dera hai. !!

Hafeez Jalandhari Poetry Collection

Subscribe us for hafeez jalandhari shayari, poetry, ghazals, poems, urdu poets, nazms, shair.