Home / Tag Archives: qaraar

Tag Archives: qaraar

Dard Se Mere Hai Tujh Ko Beqaraari Haaye Haaye..

Mirza Ghalib Poetry

Dard se mere hai tujh ko beqaraari haaye haaye,
kya hui zaalim teri ghafalat-shiaari haaye haaye.

Tere dil mein gar na tha aashob-e-ghum ka hausala,
tune phir kyon ki thi meri ghum-gusaari haaye haaye.

Kyon meri ghum-khwaargi ka thujh ko aaya tha khyaal,
dushmani apani thi meri dost-daari haaye haaye.

Umar bhar ka tune paimaan-e-wafa baandha toh kya,
umar ko bhi toh nahin hai paayedaari haaye haaye.

Zehar lagti hai mujhe aab-o-hawa-e-zindagi,
Yaani tujh se thi ise na-saazgaari haaye haaye.

Ghulfeshaani haaye naaz-e-jalwa ko kya ho gaya,
khaak par hoti hai teri laala-kaari haaye haaye.

Sharm-e-ruswaayi se jaa chhupna naqaab-e-khaak mein,
khatm hai ulfat ki tujh par parda-daari haaye haaye.

Khaak mein naamoos-e-paimaan-e-muhabbat mil gayi,
uth gayi duniya se raah-o-rasm-e-yaari haaye haaye.

Haath hi tegh-aazmaa ka kaam se jaata raha,
dil pe ek lagne na paaya zakhm-e-kaari haaye haaye.

Kis tarah kaate koi shab-haaye-taar-eh-barshigaal,
hai nazar khoo-karda-e-akhtar-shumaari haaye haaye.

Gosh mahjoor-e-payaam-o-chashm mahroom-e-jamaal,
ek dil tis par ye naa-ummeed-waari haaye haaye.

Ishq ne pakda na tha ‘ghalib’ abhi wehshat ka rang,
rah gaya tha dil mein jo kuchh zauq-e-khaari haaye haaye.

Gar museebat thi toh ghurbat mein utha lete ‘asad’
meri dehli hi mein honi thi ye khwaari haaye haaye. !!

– Click here for Mirza Ghalib Poetry collection

Dard Se Mere Hai Tujh Ko Beqaraari Haaye Haaye..
Please Rate this poetry!

Aa Ki Meri Jaan Ko Qaraar Nahin Hai..

Mirza Ghalib Poetry

Aa ki meri jaan ko qaraar nahin hai,
taaqat-e-bedaad-e-intezaar nahin hai.

Dete hain jannat hayaat-e-dahar ke badle,
nashsha ba-andaaza-e-khummaar nahin hai.

Giriya nikaale hai teri bazm se mujh ko,
haaye ki rone pe ikhtiyaar nahin hai.

Hum se abas hai gumaan-e-ranjish-e-khaatir,
khaak mein ushshaaq ki ghubaar nahin hai.

Dil se utha lutf-e-jalwa-haa-e-maani,
ghair-e-gul aaina-e-bahaar nahin hai.

Qatl ka mere kiya hai ahad toh baare,
waae ! agar ahad ustuwaar nahin hai.

Tune kasam mai-kashi ki khaai hai ‘ghalib’
teri kasam ka kuchh aitbaar nahin hai. !!

– Click here for Mirza Ghalib Poetry collection

Aa Ki Meri Jaan Ko Qaraar Nahin Hai..
Please Rate this poetry!