Home / Tag Archives: qadar

Tag Archives: qadar

Aam Hukm e Sharaab Karta Hun..

Meer Taqi Meer Poetry

Aam hukm-e-sharaab karta hun,
mohtasib ko kabaab karta hun.

Tuk to reh aey bina-e-hasti tu,
tujh ko kaisa kharaab karta hun.

Behas karta hun ho ke abjad-khwaan,
kis qadar be-hisaab karta hun.

Koi bujhti hai ye bhadak mein abas,
tishnagi par itaab karta hun.

Sar talak aab-e-tegh mein hun gharq,
ab ta.iin aab aab karta hun.

Jee mein phirta hai  ‘meer’  woh mere,
jaagta hun ki khwaab karta hun. !!

– Click here for Meer Taqi Meer Poetry Collection

Har Shai Musaafir Har Cheez Raahi..

Allama Iqbal Poetry

Har shayy musaafir har cheez raahi,
kya chaand taare kya murgh-o-maahi.

Tu mard-e-maidaan tu meer-e-lashkar,
noori huzoori tere sipaahi.

Kuchh qadar apni tu ne na jaani,
ye be-sawaadi ye kam-nigaahi.

Duniya-e-doon ki kab tak ghulaami,
ya raahebi kar ya padshaahi.

Peer-e-haram ko dekha hai meine,
kirdaar-e-be-soz guftaar waahi. !!

– Click here for Allama Iqbal Poetry collection