Home / Tag Archives: qabar-shayari

Tag Archives: qabar-shayari

Main Laakh Keh Dun Ki Aakash Hun Zameen Hun Main..

Main laakh keh dun ki aakash hun zameen hun main,
magar usey toh khabar hai ki kuchh nahin hun main.

Ajeeb log hain meri talaash mein mujh ko,
wahan dhoond rahe hain jahan nahin hun main.

Main aainon se toh mayoos laut aaya tha,
magar kisi ne bataya bahut haseen hun main.

Woh zarre zarre mein mauzood hai magar main bhi,
kahin nahin hun kahan hun kahin nahin hun main.

Woh ek kitaab jo mansoob tere naam se hai,
ussi kitaab ke andar kahin kahin hun main.

Sitaaro aao meri raah mein bikhar jaao,
ye mera hukum hai halaanki kuchh nahin hun main.

Yahin husain bhi guzre yahin yazeed bhi tha,
hazaar rang mein doobi hui zameen hun main.

Ye boorhi qabaren tumhen kuchh nahin bataayengi,
mujhe talaash karo dosto yahin hun main. !!

Rahat Indori

Jab Bhi Ghar Ki Chhat Pe Jaayen Naaz Dikhaane Aa Jaate Hain..

Jab bhi ghar ki chhat pe jaayen naaz dikhaane aa jaate hain,
kaise kaise log humare jee ko jalaane aa jaate hain.

Din bhar jo sooraj ke dar se galiyon mein chhupe rahte hain,
shaam aate hi aankhon mein woh rang puraane aa jaate hain.

Jin logon ne un ki talab mein sehraaon ki dhool udaayi,
ab ye haseen un ki qabaron par phool chadhaane aa jaate hain.

Kaun sa woh jaadoo hai jis se ghum ki andheri sard guphaa mein,
laakh nisaai saans dilon ke rog mitaane aa jaate hain.

Ze ki reshmi rumaalon ko kis kis ki nazron se chhupaayen,
kaise hain woh log jinhen ye raaz chhupaane aa jaate hain.

Hum bhi ‘munir ab duniya-daari kar ke waqt guzaarenge,
hote hote jeene ke bhi laakh bahaane aa jaate hain. !!

Munir Niazi

Sadma Toh Hai Mujhe Bhi Ki Tujh Se Juda Hun Main..

Sadma toh hai mujhe bhi ki tujh se juda hun main,
lekin ye sochta hun ki ab tera kya hun main.

Bikhra pada hai tere hi ghar mein tera wazood,
bekaar mehfilon mein tujhe dhoondta hun main.

Khudkushi ke jurm ka karta hun aitraaf,
apne badan ki qabar mein kab se gada hun main.

Kis kis ka naam lun zubaan par ki tere saath,
har roz ek shakhs naya dekhta hun main.

Na jaane kis adaa se liya tune mera naam,
duniya samajh rahi hai ki sab kuchh tera hun main.

Le mere tazurbe se sabak aye mere raqeeb,
do chaar saal umar mein tujh se bada hun main.

Jaaga hua zameer woh aaina hai ‘Qateel
sone se pehle roz jise dekhta hun main. !!

Qateel Shifai