Home / Tag Archives: qaatil

Tag Archives: qaatil

Ghum-e-hijr Se Na Dil Ko Kabhi Humkinaar Karna..

Ghum-e-hijr se na dil ko kabhi hum-kinaar karna,
main phir aaunga palat kar mera intezaar karna.

Mujhe dar hai mere aansoo teri aankh se na jhalken,
zara soch kar samajh kar mujhe sogwaar karna.

Usey dhoond sab se pehle jo mila nahin hai tujh ko,
ye sitaare aasmaan ke kabhi phir shumaar karna.

Mere shehar ki fiza mein koi zehar bhar gaya hai,
tere husn par hai laazim usey khushgawaar karna.

Main uthaaungaa na ehsaan tere baad na-khuda ka,
mujhe tu ne hi duboya mujhe tu hi paar karna.

Mere badnaseeb saathi teri zindagi hi kya hai,
na kisi se dil lagaana na kisi se pyaar karna.

Kabhi iqtidaar bakhshe jo khuda ‘qateel tujh ko,
jo rawish hai qaatilon ki woh na ikhtiyaar karna. !!

Qateel Shifai

Ghum-e-hijr Se Na Dil Ko Kabhi Humkinaar Karna..
Please Rate this poetry!

Main Zinda Hun Ye Mushtahar Kijiye..

Main zinda hun ye mushtahar kijiye,
mere qaatilon ko khabar kijiye.

Zameen sakht hai aasmaan door hai,
basar ho sake toh basar kijiye.

Sitam ke bahut se hain radd-e-amal,
zaroori nahin chashm tar kijiye.

Wahi zulm baar-e-digar hai toh phir,
wahi jurm baar-e-digar kijiye.

Qafas todna baad ki baat hai,
abhi khwaahish-e-baal-o-par kijiye. !!

Sahir Ludhianvi

Main Zinda Hun Ye Mushtahar Kijiye..
Please Rate this poetry!

Main Kal Tanha Tha Khilqat So Rahi Thi..

Main kal tanha tha khilqat* so rahi thi,
Mujhe khud se bhi wehshat ho rahi thi.

Usey jakda hua tha zindagi ne,
Sirhaane maut baithi ro rahi thi.

Khula mujh par ki meri khush-naseebi,
Mere raaste mein kaante bo rahi thi.

Mujhe bhi na-rasaai* ka samar* de,
Muje teri tamanna jo rahi thi.

Mera qaatil mere andar chhupa tha,
Magar badnaam khilqat ho rahi thi.

Baghawat kar ke khud apne lahoo se,
Gulaami daag apne dho rahi thi.

Labon par tha sukoot-e-marg* lekin,
Mere dil mein qayaamat so rahi thi.

Ba-juz* mauj-e fanna duniya mein ‘mohsin
Humaari justzu kis ko rahi thi. !!

*[ Khilqat=creation,nature,the world
Na-rasaai=incapability, failure
Samar=fruit,profit,result
Sukoot-e-marg=silence of death ]

Mohsin Naqvi

Main Kal Tanha Tha Khilqat So Rahi Thi..
5 (100%) 4 votes

Shayad Main Zindagi Ki Sehar Le Ke Aa Gaya..

Shayad main zindagi ki sehar le ke aa gaya,
qaatil ko aaj apne hi ghar le ke aa gaya.

Ta’umar dhoondta reha manzil main ishq ki,
anjaam ye ki gard-e safar le ke aa gaya.

Nashtar hai mere haath mein kaandhon pe mayyqada,
lo main ilaaj-e dard-e jigar le ke aa gaya.

Fakhir sanam-qade mein na aata main lout kar,
ek zakhm bhar gaya tha idhar le ke aa gaya .!!

Shayad Main Zindagi Ki Sehar Le Ke Aa Gaya..
4.8 (96%) 5 votes

Mere Qaatil Ko Pukaaro Ki Main Zinda Hun Abhi..

Mere Qaatil Ko Pukaro Ki Main Zinda Hun Abhi,
Phir Se Maqtal* Ko Sanwaro Ki Main Zinda Hun Abhi.

Yeh Shab-e Hijar Toh Saathi Hai Meri Barson Se,
Jaao So Jao Sitaaro Ki Main Zinda Hun Abhi.

Yeh Pareshaan Se Gaisu Dekhe Nahi Jaate,
Apni Zulfun Ko Sanwaro Ki Main Zinda Hun Abhi.

Laakh Moujon Mein Ghira Hun, Abhi Dooba Toh Nahi,
Mujh Ko Saahil Se Pukaaro Ki Main Zinda Hun Abhi.

Qabar Se Aaj Bhi ‘Mohsin’ Ki Aati Hai Sada,
Tum Kahan Ho Mere Yaaro Ki Main Zinda Hun Abhi. !

*[Maqtal = Qatal ki jagah]

Mere Qaatil Ko Pukaaro Ki Main Zinda Hun Abhi..
4.7 (93.33%) 9 votes

Shaikh Saahab se Rasm-o Raah Na Ki..

Shaikh saahab se rasm-o-raah na ki
shukr hai zindagii tabaah na ki

Tujh ko dekhaa toh ser-e chashm hue
tujh ko chaahaa toh aur chaah na ki

tere dast-e-sitam kaa ajz nahii.n
dil hii kaafir thaa jis ne aah na kii

They shab-e hijr kaam aur bahut
hum ne fikr-e dil-e tabaah na ki

Kaun qaatil bachaa hai shehar mein ‘Faiz
jis se yaaron ne rasm-o raah na ki …!!

-> Faiz Ahmed Faiz

Shaikh Saahab se Rasm-o Raah Na Ki..
3.8 (75%) 8 votes