Home / Tag Archives: pehchaan-shayari

Tag Archives: pehchaan-shayari

Khushi Kya Ho Jo Meri Baat Woh Buut Maan Jata Hai..

Khushi kya ho jo meri baat woh buut maan jata hai,
mazaa toh behad aata hai magar imaan jata hai.

Banun council mein speaker toh rukhsat qirat-e-misri,
karun kya membari jaati hai ya quraan jata hai.

Zawaal-e-jaah o daulat mein bas itni baat achchhi hai,
ki duniya mein bakhubi aadmi pehchaan jata hai.

Nayi tehzeeb mein diqqat zyada toh nahin hoti,
mazaahib rahte hain qaayam faqat imaan jata hai.

Theater raat ko aur din ko yaaron ki ye speechen,
duhaai laatt saahab ki mera imaan jata hai.

Jahan dil mein ye aayi kuchh kahun woh chal diya uth kar,
ghazab hai fitna hai zaalim nazar pehchaan jata hai.

Chunaan burdoond sabr az dil ke qisse yaad aate hain,
tadap jata hun ye sun kar ki ab imaan jata hai. !!

Akbar Allahabadi

Pehle Toh Apne Dil Ki Raza Jaan Jaaiye..

Aaliya bhatt varun dhawan- ishq wala love- student of the year- qateel shifai poetry- poetry-shayari- romantic couple- cute couple

Pehle toh apne dil ki raza jaan jaaiye,
phir jo nigaah-e yaar kahe maan jaaiye.

Pehle mijaaz-e raah guzar jaan jaaiye,
phir gard-e raah jo bhi kahe maan jaaiye.

Kuchh keh rahi hai aapke seene ki dhadkane,
mera nahin ton dil ka kaha maan jaaiye.

Ek dhoop si jami hai nigaahon ke aas paas,
ye aap hain toh aap pe qurbaan jaaiye.

Shayad huzoor se koi nisbat humein bhi ho,
aankhon mein jhaank kar humein pehchaan jaaiye. !!