Home / Tag Archives: nazar

Tag Archives: nazar

Zindagi Jab Bhi Teri Bazm Mein Laati Hai Humen..

Shahryar Poetry

Zindagi jab bhi teri bazm mein laati hai humen,
ye zameen chaand se behtar nazar aati hai humen.

Soorkh phoolon se mehak uthti hain dil ki raahen,
din dhale yun teri aawaaz bulaati hai humen.

Yaad teri kabhi dastak kabhi sargoshi se,
raat ke pichhle pehar roz jagaati hai humen.

Har mulaaqaat kaa anjaam judaai kyon hai,
ab toh har waqt yehi baat sataati hai humen. !!

Shahryar Poetry Collection

Subscribe us for shahryar ghazals, poems, shayari, nazms, shair, urdu poets. 

Zindagi Jab Bhi Teri Bazm Mein Laati Hai Humen..
Please Rate this poetry!

Aaj Dariya Chadha Chadha Sa Hai..

Bashir Badr Poetry

Aaj dariya chadha chadha sa hai,
koi hum se khafa khafa sa hai.

Shehar yaadon ka ek basaaya tha,
ab nishaan bhi mita mita sa hai.

Dil se ek roshni jahaan mein thi,
ye diyaa bhi bujha bujha sa hai.

Shabnami aag bhi jalaati hai,
phool ka dil jala jala sa hai.

Kis ko fursat ki ek nazar dekhe,
badr’ tanha bujha bujha sa hai. !!

Bashir Badr Poetry Collection

Subscribe us for Bashir Badr Poems, Urdu Poetry, Shayari, Nazms, Ghazals, Shairy, Sher,

Aaj Dariya Chadha Chadha Sa Hai..
Please Rate this poetry!

Aasaniyan Hain Nazar Mein Uski Mushkilon Se Jo Bekhabar Hai..

Sandeep Bhutani Poetry

Aasaaniyaan hain nazar mein uss ki mushkilon se jo bekhabar hai,
haar baitha hai jo dum ab, dawaa duaa bhi be-asar hai.

 Baad muddat ke musalsal dil ka manzar raqs mein hai,
 rehnumaai aur ruswaai ka aalam be-sabab hai.

 Arth hai jeevan ka chalna, sirf chalte rehna hai..
 ruk gaya jo raah-e manzil dar-asal woh be-hunar hai.

 Berukhi be-intehaa hai, be-qaraari baahmi..
 aaye hain mehfil mein maano iss tarah ki be-matlab hai.

 Hai kaam mushkil, chale guzaara anna ko mehfooz rakh ke chalna..
 jhuke naa sar jis kisi ke aage, nazar mein sab ki be-adab hai. !!

आसानियाँ हैं नज़र में उसकी , कि मुश्किलों से जो बेखबर है..
 हार बैठा है जो दम अब , दवा दुआ भी सब बेअसर है. 

बाद मुद्दत के मुसलसल दिल का मंज़र रक़्स में है,
 रहनुमाई और रुस्वाई का आलम बेसबब है.

 अर्थ है जीवन का चलना , सिर्फ चलते रहना है..
 रुक गया जो राह-ए-मंज़िल दर-असल वो बेहुनर है.

 बेरुख़ी बे-इंतिहा है , बेकरारी बाहमी..
 आए हैं महफ़िल में मानो इस तरह कि बेतलब हैं.

 है काम मुश्किल , चले गुज़ारा अना को महफ़ूज़  रख के चलना..
 झुके न सर जिस किसी के आगे , नज़र में सब की वो बेअदब है. !

 

Sandeep Bhutani Poetry Collection

Subscribe Us For Urdu Poetry. Urdu Legend Poets, Ghazals, Nazms, Poetry. Shayari, Poems, Shair.

Aasaniyan Hain Nazar Mein Uski Mushkilon Se Jo Bekhabar Hai..
Please Rate this poetry!

Udas Raat Hai Koi Toh Khwab De Jaao – Bashir Badr

Bashir Badr Poetry

Udaas raat hai koi toh khwaab de jaao,
mere gilaas mein thodi sharaab de jaao.

Bahut se aur bhi ghar hain khuda ki basti mein,
faqeer kab se khada hai jawaab de jaao.

Main zard patton pe shabnam saza ke laaya hun,
kisi ne mujh se keha tha hisaab de jaao.

Meri nazar mein rahe doobne ka manzar bhi,
guroob hota hua aaftaab de jaao.

Fir iss ke baad nazaare nazar ko tarsenge,
woh ja raha hai khizaan ke gulaab de jaao.

Hazaar safhon ka deewan kaun padhta hai,
bashir badr’ koi intekhaab de jaao. !!

Bashir Badr Poetry Collection

Subscribe us for Bashir badr & all urdu legend’s poetry, Ghazals, poems, nazms, shayaries.

Udas Raat Hai Koi Toh Khwab De Jaao – Bashir Badr
Please Rate this poetry!

Sada Hai Fikr e Taraqqi Buland Beenon Ko..

Meer Anees Poetry

Sadaa hai fikr-e-taraqqi buland-beenon ko,
hum aasmaan se laaye hain in zameenon ko.

Padhen durood na kyon dekh kar haseenon ko,
khyaal-e-sanat-e-saane hai paak-beenon ko.

Kamaal-e-faqr bhi shaayaan hai paak-beenon ko,
ye khaak takht hai hum boriya-nasheenon ko.

Lahad mein soye hain chhoda hai shah-nasheenon ko,
qazaa kahan se kahan le gayi makeenon ko.

Ye jhurriyan nahin haathon pe zof-e-peeri ne,
chuna hai jaama-e-asli ki aasteenon ko.

Laga raha hun mazaamin-e-nau ke phir ambaar,
khabar karo mere khirman ke khosha-cheenon ko.

Bhala taraddud-e-beja se un mein kya haasil,
utha chuke hain zameendaar jin zameenon ko.

Unhin ko aaj nahin baithne ki jaa milti,
muaf karte the jo log kal zameenon ko.

Ye zaairon ko mili sarfaraaziyaan warna,
kahan naseeb ki chumen malak-jabeenon ko.

Sajaaya hum ne mazaamin ke taaza phoolon se,
basa diya hai in ujdi hui zameenon ko.

Lahad bhi dekhiye in mein naseeb ho ki na ho,
ki khaak chhaan ke paaya hai jin zameenon ko.

Zawaal-e-taaqat-o mu-e-saped-o-zof-e-basar,
inhin se paaye bashar maut ke qareenon ko.

Nahin khabar unhen mitti mein apne milne ki,
zameen mein gaad ke baithe hain jo dafeenon ko.

Khabar nahin unhen kya badobast-e-pukhta ki,
jo ghasb karne lage ghair ki zameenon ko.

Jahaan se uth gaye jo log phir nahin milte,
kahan se dhoond ke ab laayen hum-nasheenon ko.

Nazar mein phirti hai woh teergi-o tanhaayi,
lahad ki khaak hai surma maal-baeenon ko.

Khyaal-e-khaatir-e-ahbaab chahiye har dum,
anees’ thes na lag jaaye aabgeenon ko. !!

Click Here For Meer Anees Poetry Collection

Sada Hai Fikr e Taraqqi Buland Beenon Ko..
5 (100%) 1 vote

Dariya Ko Zom Tha Ki Main Dhaare Pe Aa Gaya..

Dariya ko zom tha ki main dhaare pe aa gaya,
lekin main bach bachaa ke kinaare pe aa gaya.

Mujh ko bulaane waalon ne umren nikaal di,
lekin main tere ek ishaare pe aa gaya.

Uss ka tamaam husn humari nazar mein hai,
kashmir saara ek shikaare pe aa gaya.

Saanso ki dor toot bhi jaaye toh ghum nahin,
shukr-e khuda main aakhri paare pe aa gaya. !!

Munawwar Rana

Dariya Ko Zom Tha Ki Main Dhaare Pe Aa Gaya..
Please Rate this poetry!

Ye Hum Jo Hijr Mein Deewaar O Dar Ko Dekhte Hain..

Mirza Ghalib Poetry

Ye hum jo hijr mein deewaar-o-dar ko dekhte hain,
kabhi saba ko kabhi namabar ko dekhte hain.

Woh aaye ghar mein humare khuda ki qudrat hai,
kabhi hum un ko kabhi apne ghar ko dekhte hain.

Nazar lage na kahin uss ke dast-o-baazoo ko,
ye log kyon mere zakhm-e-jigar ko dekhte hain.

Tere jawaahir-e-tarf-e-kulah ko kya dekhen,
hum auj-e-taala-e-laal-o-gohar ko dekhte hain. !!

– Click  here for read all  Mirza Ghalib Poetry Collection

Ye Hum Jo Hijr Mein Deewaar O Dar Ko Dekhte Hain..
Please Rate this poetry!