Home / Tag Archives: naam

Tag Archives: naam

Kisi Ka Tha Woh Fusun, Jo Kiya.. Kiya Maine!

Midhat ul Akhtar Poetry

Kisi ka tha woh fusoon, jo kiya.. kiya maine!
woh hosh tha ki junoon, jo kiya.. kiya maine! 

Jo ho chuka wahi kaafi hai dil dukhaane ko,
ab aur kuchh na karun, jo kiya.. kiya maine!

Mere wajood mein shaamil rahe hain kitne wajood,
toh phir ye kaise kahun, jo kiya.. kiya maine!

Har ek sawaal pe kitnon ke naam niklenge,
koi jawaab na dun, jo kiya.. kiya maine!

Bahut azeem hai dushman karega kaun yaqeen,
kisi ka naam na lun, jo kiya.. kiya maine!

Khuda ka shukr na bandon ka shukriya waajib,
isi fareb mein hun, jo kiya.. kiya maine!!

Kisi Ka Tha Woh Fusun, Jo Kiya.. Kiya Maine!
5 (100%) 1 vote

Saja Kar Apni Hi Aankh Hazaar Chehron Pe..

Four (4) Lines Urdu Poetry

Saja kar apni hi aankh hazaar chehron pe,
kiya hai maine sadaa aitbaar chehron pe.
Main teri bazm mein kis kis se dushmani leta?
likha tha naam tera be’shumaar chehron pe …!

4 Lines Poetry Collection

– Subscribe our Urdu Poetry Blog for Ghazals, Nazms, Poems, Shairy, Shayari.

Saja Kar Apni Hi Aankh Hazaar Chehron Pe..
Please Rate this poetry!

Naam Usi Ka Sawere Shaam Likha..

Bashir Badr Poetry

Naam ussi ka sawere shaam likha,
sher likha ya khat, uss ko gumnaam likha.

Uss din pehla phool khila jab patjhad ne,
patti patti jod ke tera naam likha.

Uss bachche ki copy aksar padhta hun,
sooraj ke maathe par jis ne shaam likha.

Kaise donon waqt gale milte hain roz,
ye manzar maine dushman ke naam likha.

Saat zameenen ek sitaara naya naya,
sadiyon baad ghazal ne koi naam likha.

Meer’, kabeer’, bashir’, issi maqtab ke hain,
aa dil ke maqtab mein apna naam likhaa. !!

Bashir Badr Poetry Collection

Subscribe us for more bashir badr shayari, nazms, poems, ghazals, shairy, shair, urdu poets. 

Naam Usi Ka Sawere Shaam Likha..
Please Rate this poetry!

Ibadaton Ki Tarah Main Ye Kaam Karta Hun – Bashir Badr

Bashir Badr Poetry

Ibaadaton ki tarah main ye kaam karta hun,
mera usool hai pehle salaam karta hun.

Mukhaalifat se meri shakhsiyat sanwarti hai,
main dushmanon ka bada ehtaraam karta hun.

Main apni jeb mein apna pata nahin rakhta,
Safar mein sirf yahi ehtemaam karta hun.

Main dar gaya hun bahut sayadaar pedon se,
zara si dhoop bichha kar qayaam karta hun.

Mujhe khuda ne ghazal ka dayyar bakhsha hai,
ye saltanat main mohabbat ke naam karta hun. !!

Bashir Badr Poetry Collection

Subscribe us for Bashir badr & all urdu  legend poet’s poetry, Ghazals, poems, nazms, shayaries.

Ibadaton Ki Tarah Main Ye Kaam Karta Hun – Bashir Badr
5 (100%) 1 vote

Kahin Aah Ban Ke Lab Pe Tera Naam Aa Na Jaaye..

Habib Jalib Poetry

Kahin aah ban ke lab pe tera naam aa na jaaye,
tujhe bewafa kahun main woh maqaam aa na jaaye.

Zara khud ko sambhaalo mera dil dhadak raha hai,
koi aur tair-e-dil tah-e-daam aa na jaaye.

Jise sun ke toot jaaye mera aarzoo bhara dil,
teri anjuman se mujh ko woh payaam aa na jaaye.

Woh jo manzilon pe laa kar kisi humsafar ko looten,
unhi rahzahon mein tera kahin naam aa na jaaye.

Issi fikr mein hain ghaltaan ye nizaam-e-zar ke bande,
jo tamaam-e-zindagi hai woh nizaam aa na jaaye.

Ye mah-o-nujoom hans len mere aansuon pe ‘jalib
mera mehtaab jab tak lab-e-baam aa na jaaye. !!

–  Click Here For Habib Jalib Poetry, Poems  Collection

Kahin Aah Ban Ke Lab Pe Tera Naam Aa Na Jaaye..
5 (100%) 2 votes

Apne Ghar Ki Khidki Se Main Aasmaan Ko Dekhunga..

Apne ghar ki khidki se main aasmaan ko dekhunga,
jis par tera naam likha hai uss taare ko dhoondunga.

Tum bhi har shab diya jala kar palkon ki dehleez par rakhna,
main bhi roz ek khwaab tumhare shehar ki jaanib bhejunga.

Aur hijr ke dariya mein tum padhna lehron ki tahreeren bhi,
paani ki har satr pe main kuchh dil ki baaten likhunga.

Jis tanha se ped ke neeche hum baarish mein bheege the,
tum bhi uss ko chhoo ke guzarna main bhi uss se liptunga.

Khwaab musaafir lamhon ke hain saath kahan tak jaayenge,
tum ne bilkul theek keha hai main bhi ab kuchh sochunga.

Baadal odh ke guzrunga main tere ghar ke aangan se,
qaus-e-qaza ke sab rangon mein tujh ko bheega dekhunga.

Be-mausam baarish ki soorat der talak aur door talak,
tere dayaar-e- husn pe main bhi kin-min kin-min barsunga.

Sharm se dohra ho jaayega kaan pada woh bunda bhi,
baad-e-saba ke lahje mein ek baat main aisi poochhunga.

Safha safha ek kitaab-e-husn si khulti jaayegi,
aur ussi ki layy mein phir main tum ko azbar kar lunga.

Waqt ke ek kankar ne jis ko akson mein taqseem kiya,
aab-e-rawan mein kaise ‘amjad’ ab woh chehra jodunga. !!

Amjad Islam Amjad

Apne Ghar Ki Khidki Se Main Aasmaan Ko Dekhunga..
5 (100%) 1 vote

Mohabbaton Mein Dikhawe Ki Dosti Na Mila..

Bashir Badr Poetry

Sad_boy_man_with_diary_Bashir_badr_poetry_shayari

Mohabbaton mein dikhaawe ki dosti na mila,
agar gale nahin milta toh haath bhi na mila.

Gharon pe naam the naamon ke saath ohdey the,
bahut talaash kiya, koi aadmi na mila.

Tamaam rishton ko main ghar pe chhod aaya tha,
phir uske baad mujhe koi ajnabi na mila.

Khuda ki itni badi kaaynaat mein maine,
bas ek shakhs ko maanga mujhe wohi na mila.

Bahut ajeeb hai ye qurbaton ki doori bhi,
woh mere saath reha aur mujhe kabhi na mila. !!

Bashir Badr Poetry Collection

Subscribe us for Bashir Badr Shayari, Urdu Poetry, Ghazals, Nazms, Shair, Poems, Urdu Poets.

Mohabbaton Mein Dikhawe Ki Dosti Na Mila..
5 (100%) 5 votes