Home / Tag Archives: muntazir

Tag Archives: muntazir

Khwaab In Aankhon Se Ab Koi Chura Kar Le Jaye..

Bashir Badr Poetry

Khwaab in aankhon se ab koi chura kar le jaaye,
qabr ke sookhe hue phool utha kar le jaaye.

Muntazir phool mein khusboo ki tarah hun kab se,
koi jhauken ki tarah aaye udaa kar le jaaye.

Ye bhi paani hai magar aankhon ka aisa paani,
jo hatheli pe rachi mehandi udaa kar le jaaye .

Main mohabbat se mehakta hua khat hun mujh ko,
zindagi apni kitaabon mein daba kar le jaaye.

Khaak insaaf hai na-beena buton ke aage,
raat thaali mein chiraaghon ko saja kar le jaaye. !!

Bashir Badr Poetry Collection

Subscribe us for bashir badr shayari, urdu poets, shair, ghazals, poems.