Home / Tag Archives: mumkin

Tag Archives: mumkin

Tumhare Paas Hun Lekin Jo Doori Hai, Samajhta Hun..

Sad Love Poetry

Tumhare paas hun lekin jo doori hai, samajhta hun..
tumhare bin meri hasti adhoori hai, samajhta hun…

Tumhen main bhool jaaunga ye mumkin nahin hai lekin,
tumhin ko bhoolna sab se zaroori hai, samajhta hun .!!

Sad Poetry Collection

Subscribe us for urdu shayari, ghazals, poems, poets, shair. 

Wahan Tak Saath Chalte Hain, Jahan Tak Saath Mumkin Hai..

Love couples

Wahan tak saath chalte hain, jahan tak saath mumkin hai

Jahan halaat badaleinge,  wahan tum bhi badal jana …!

Halaat Se Khauf Kha Raha Hun..

Halaat se khauf kha raha hun,
sheeshe ke mehal bana raha hun.

Seene mein mere hai mom ka dil,
sooraj se badan chhupa raha hun.

Mehroom-e nazar hai jo zamaana,
aaina usey dikha raha hun.

Ahbaab ko de raha hun dhokha,
chehre pe khushi sajaa raha hun.

Dariya-e furaat hai ye duniya,
pyaasa hi palat ke jaa raha hun.

Hai shehar mein qahat pattharon ka,
jazbaat ke zakhm kha raha hun.

Mumkin hai jawaab de udaasi,
darr apna hi khatkhata raha hun.

Aaya na ‘Qteel dost koi,
saayon ko gale laga raha hun. !!

Ab Ke Hum Bichhde Toh Shayad Kabhi Khwaabon Mein Milein..

 

rose in book

Ab ke hum bichhde toh shayad kabhi khwaabon mein milein,
jis tarah sookhe hue phool kitaabon mein milein.

Dhoond ujde hue logon mein wafa ke moti,
ye khazaane tujhe mumkin hai kharaabon mein milein.

Ghum-e duniya bhi ghum-e yaar mein shaamil kar lo,
nasha badhta hai sharaabein jo sharaabon mein milein.

Tu khuda hai na mera ishq farishton jaisa,
dono insaan hain toh kyon itne hizaabon mein milein.

Aaj hum daar par khinche gaye jin baaton par,
kya ajab kal woh zamaane nisaabon mein milein.

Ab na woh main na woh tu hai na woh maazi hai ‘faraz
jaise do shakhs tamanna ke saraabon mein milein. !!