Home / Tag Archives: mohsin-naqvi-sher

Tag Archives: mohsin-naqvi-sher

Wusat-e Chashm-e Tar Bhi Dekhenge..

Mohsin Naqvi Ghazal

Wus’at-e chashm-e tar bhi dekhenge,
hum tujhe bhool kar bhi dekhenge. !

Hijr ki shab se hausle apne,
bach gaye toh sahar bhi dekhenge. !

Raat hone do, log sone do
chaand ko dar-ba dar bhi dekhenge. !

Ek duaa dil se chhup ke maangi thi,
us duaa ka asar bhi dekhenge. !

Ek puraana safar toh khatm hua,
ek nayi rahguzar bhi dekhenge. !

Gin toh lene do be’kafan laashen,
be’sadaa baam-o dar bhi dekhenge. !

Chhed kar dil ki raakh ko ‘Mohsin
ab ke raqs-e sharaar bhi dekhenge. !!

Click here for Mohsin Naqvi Shayari collection