Home / Tag Archives: mohsin-naqvi-shayari

Tag Archives: mohsin-naqvi-shayari

Wusat-e Chashm-e Tar Bhi Dekhenge..

Mohsin Naqvi Ghazal

Wus’at-e chashm-e tar bhi dekhenge,
hum tujhe bhool kar bhi dekhenge. !

Hijr ki shab se hausle apne,
bach gaye toh sahar bhi dekhenge. !

Raat hone do, log sone do
chaand ko dar-ba dar bhi dekhenge. !

Ek duaa dil se chhup ke maangi thi,
us duaa ka asar bhi dekhenge. !

Ek puraana safar toh khatm hua,
ek nayi rahguzar bhi dekhenge. !

Gin toh lene do be’kafan laashen,
be’sadaa baam-o dar bhi dekhenge. !

Chhed kar dil ki raakh ko ‘Mohsin
ab ke raqs-e sharaar bhi dekhenge. !!

Click here for Mohsin Naqvi Shayari collection 

Wusat-e Chashm-e Tar Bhi Dekhenge..
5 (100%) 2 votes

Bichhde Hue Yaaron Ki Sada Kyon Nahi Aati..

Mohsin Naqvi Poetry 


Bichhde hue yaaron ki sada kyon nahin aati,
ab roozan-e zindaan se hawa kyon nahin aati .! 

Tu ab bhi salaamat hai safar mein toh musaafir,
tere liye honthon pe duaa kyon nahin aati .!

Patthar ho toh kyon khauf-e shab-e ghum se ho larzaan,
insaan ho toh jeene ki adaa kyon nahin aati .!

Ek pedd ke saaye se hawa poochh rahi hai,
ab dasht mein makhlooq-e Khuda kyon nahin aati .!

Chehron pe woh sarson ki dhanak kya hui yaaro,
haath’on se woh khushbu-e hina kyon nahin aati .!

Basti ke sabhi log salaamat hain toh ‘Mohsin
aawaaz koi apne siwa kyon nahin aati .!!

Bichhde Hue Yaaron Ki Sada Kyon Nahi Aati..
2 (40%) 1 vote