Home / Tag Archives: mohsin-naqvi-ghazal

Tag Archives: mohsin-naqvi-ghazal

Aaina Dar Aaghosh Hoon Paimaana Ba-kaf Bhi..

Aaina dar aaghosh hoon, paimaana ba-kaf bhi
aey dushman-e jaan dekh zara meri taraf bhi.

Dil shorish-e paiham hai, nazar waqf-e khamoshi
main ronaq-e toofaan bhi hoon, saahil ka sharaf bhi.

Aey dost tere baad sar-e koo-e tamanna
hum log rahe sang-e malaamat ka hadaf bhi.

Tu jins-e khirad le ke bikhar ja kahin warna
aayega koi sang-e junoon teri taraf bhi.

Mohsin’ main faqat khaak-e shifa par nahin naazan
Sajdon ko mayassar hai dar-e- shaah-e najaf bhi .!!

Mohsin Naqvi Shayari Collection