Home / Tag Archives: mehsoos-shayari

Tag Archives: mehsoos-shayari

Hoti Hai Tere Naam Se Wehshat Kabhi Kabhi..

Hoti hai tere naam se wehshat kabhi kabhi,
barham hui hai yun bhi tabiyat kabhi kabhi.

Aye dil kise naseeb ye taufeeq-e-iztiraab,
milti hai zindagi mein ye raahat kabhi kabhi.

Tere karam se hai aye alam-e-husn-aafreen,
dil ban gaya hai dost ki khalwat kabhi kabhi.

Josh-e-junoon mein dard ki tughyaniyon ke saath,
ashkon mein dhal gayi teri soorat kabhi kabhi.

Tere qareeb reh ke bhi dil mutmain na tha,
guzri hai mujh pe ye bhi qayaamat kabhi kabhi.

Kuchh apna hosh tha na tumhara khyal tha,
yun bhi guzar gayi shab-e-furqat kabhi kabhi.

Aye dost hum ne tark-e-mohabbat ke bawajood,
mehsoos ki hai teri zaroorat kabhi kabhi. !!

Nasir Kazmi

Pehli Baar Jab Uss Ne Meri Maa Ko Ammi Jaan Keha Toh..

Pehli baar jab uss ne meri maa ko ammi jaan keha toh,
Mujh ko yun mehsoos hua..
Apna sab kuchh chhod ke jaise..
Ek lamhe mein,
Mera sab kuchh uss ne apna maan liya hai..
Mujh ko sab kuchh jaan liya hai …!

Tu Khyalon Mein Aa Kar Mere Paas Baith Jaati Hai…

poetry

Koi dastak hui, koi aahat, koi aawaz hui..
Tu dabey  paanv khyaalon mein chali aati hai.. !

Aksar aisa bhi hota hai mehsoos mujh ko,
Aa kar chup chaap tu mere pehlu mein baith jaati hai ..!!