Home / Tag Archives: mausam

Tag Archives: mausam

Chaand Ke Charon Taraf Maili Ridayen Saath Hain..

Bashir Badr Poetry

Chaand ke chaaron taraf maili ridaayen saath hain,
khaak itni sar chadhi kis ki hawaayen saath hain.

Ek aurat se wafa karne ka ye tohfa mila,
jaane kitni auraton ki badduayen saath hain.

Ungliyan meri sitaaron tak pahunch sakti nahin,
mutthiyon mein jugnuon ki badduayen saath hain.

Din khila hai phool sa aur raat bheegi aankh si,
koi mausam ho yahan donon hawaayen saath hain.

Main hun ek kaaghaz ka tukda jaane kis ki khoj mein,
kyon mere peechhe zamane ki hawaayen saath hain. !!

Bashir Badr Poetry Collection

Subscribe us for bashir badr shayari, ghazals, urdu poetry, poems, nazms, shairy. 

Aise Hijr Ke Mausam Kab Kab Aate Hain..

Shahryar Poetry

Aise hijr ke mausam kab kab aate hain,
tere alaawa yaad humein sab aate hain.

Jaagti aankhon se bhi dekho duniya ko,
khwaabon ka kya hai woh har shab aate hain.

Jazb kare kyon ret humari ashkon ko,
tera daaman tar karne ab aate hain.

Ab woh safar ki taab nahin baaqi warna,
hum ko bulaawe dasht se jab tab aate hain.

Kaaghaz ki kashti mein dariya paar kiya,
dekho hum ko kya kya kartab aate hain. !!

Shahryar Poetry Collection

Subscribe us for all types Urdu Poetry. Urdu Legend Poets Poetry, Sad, Life, Love, Shayari, Poems

Watan Se Mohabbat Kare Ja Rahe Hain..

Sandeep Bhutani Poetry

Watan se mohabbat kare jaa rahe hain,
lutaane ki jaan-tan kasam kha rahe hain.

Hawaa mein haraarat ab haazir nahin hai,
mausam ke tewar badal jaa rahe hain.

Shraadhon ke baad ab naraaton ke chalte,
dashehra – diwaali nazar aa rahe hain.

Badhte hain baazaar mazboot rupaiya,
dollar mein paisa watan laa rahe hain.

Jaaga junoon hai toh karna hai ab kuchh,
dushwaariyon par vijay pa rahe hain.

Azaab-e siyaasat ke naami khilaadi,
karmon ki apne sazaa pa rahe hain.

Hindu – musalmaan rahe ab naa koi,
insaaniyat ki ghazal gaa rahe hain. !!

 वतन से मोहब्बत करे जा रहे हैं,
 लुटाने की जाँ तन कसम खा रहे हैं.

 हवा में हरारत अब हाज़िर नहीं है,
 मौसम के तेवर बदल जा रहे हैं. 

श्राद्धों के बाद अब नरातों के चलते,
 दशहरा दीवाली नज़र आ रहे हैं.

 बढ़ते हैं बाज़ार, मज़बूत रूपया..
 डॉलर में पैसे वतन ला रहे हैं.

 जागा जुनूं है तो करना है अब कुछ,
 दुश्वारियों पर विजय पा रहे हैं.

 अज़ाब-ए-सियासत के नामी खिलाड़ी,
 कर्मों की अपने सज़ा पा रहे हैं.

 हिंदू मुसलमां रहे अब न कोई,
 इंसानियत की ग़ज़ल गा रहे हैं. !!

 

Sandeep Bhutani Poetry Collection

Subscribe Us For Urdu Poetry, Ghazals, Poetry, Shayari, Nazms, Poems.

Jahan Ped Par Chaar Daane Lage – Bashir Badr Ghazal

Bashir Badr Poetry

Jahan ped par chaar daane lage,
hazaaron taraf se nishaane lage.

Hui shaam yaadon ke ek gaaon mein,
parinde udaasi ke aane lage.

Ghadi do ghadi mujh ko palkon pe rakh,
yahan aate aate zamaane lage.

Kabhi bastiyaan dil ki yun bhi basi,
dukaanen khuli kaarakhaane lage.

Wahin zard patton ka kaalin hai,
gulon ke jahan shaamiyane lage.

Padhaai likhaai ka mausam kahan,
kitaabon mein khat aane jaane lage. !!

Bashir Badr Poetry Collection

Subscribe Us For More Bashir Badr Poetry,  Urdu Poetry , Ghazals, Nazms, Shayari & Poems

Woh Ghazal Padhne Mein Lagta Bhi Ghazal Jaisa Tha..

Munawwar Rana Poetry

Woh ghazal padhne mein lagta bhi ghazal jaisa tha,
sirf ghazlen nahin lehja bhi ghazal jaisa tha.

Waqt ne chehre ko bakhshi hai kharaashen warna,
kuchh dinon pehle ye chehra bhi ghazal jaisa tha.

Tum se bichchda toh pasand aa gayi betarteebi,
iss se pehle mera kamra bhi ghazal jaisa tha.

Koi mausam bhi bichchad kar humein achchha na laga,
waise paani ka barasna bhi ghazal jaisa tha.

Neem ka ped tha, barsaat thi aur jhoola tha,
gaaon mein guzra zamana bhi ghazal jaisa tha.

Woh bhi kya din the tere paaon ki aahat sun kar,
dil ka seene mein dhadakna bhi ghazal jaisa tha.

Ek ghazal dekhti rehti thi dareeche se mujhe,
sochta hun woh zamana bhi ghazal jaisa tha.

Kuchh tabiyat bhi ghazal kehne pe amaada thi,
kuchh tera phoot ke rona bhi ghazal jaisa tha.

Mera bachpan tha, mera ghar tha, khilone the mere,
sar par maa-baap ka saaya bhi ghazal jaisa tha.

Narm-o-naazuk sa, bahut shokh sa, sharmeela sa,
kuchh dinon pehle toh ‘rana’ bhi ghazal jaisa tha. !!

Click Here For Munawwar Rana Poetry Collection

Dil Ki Baat Labon Par Laa Kar Ab Tak Hum Dukh Sahte Hain..

Habib Jalib Poetry

Dil ki baat labon par laa kar ab tak hum dukh sehte hain,
hum ne suna tha iss basti mein dil waale bhi rahte hain.

Beet gaya saawan ka mahina mausam ne nazren badli,
lekin in pyaasi aankhon mein ab tak aansoo bahte hain.

Ek humein aawaara kehna koi bada ilzaam nahin,
duniya waale dil waalon ko aur bahut kuchh kehte hain.

Jis ki khaatir shehar bhi chhoda jis k liye badnaam hue,
aaj wahi hum se begaane begaane se rahte hain.

Woh jo abhi rahguzar se chak-e-gareban guzra tha,
uss aawara deewane ko ‘jalib’ ‘jalib’ kehte hain. !!

– Click Here For Habib Jalib Poetry, Poems  Collection

Ye Darweshon Ki Basti Hai Yahan Aisa Nahin Hoga..

Ye darweshon ki basti hai yahan aisa nahin hoga,
libaas-e-zindagi phat jaayega maila nahin hoga.

Share bazaar ki keemat uchhalti girti rehti hai,
magar ye khoon-e-muflis hai mehnga nahin hoga.

Tere ehsaan ki eentein lagi hain iss imaarat mein,
humara ghar tere ghar se kabhi ooncha nahin hoga.

Humari dosti ke beech khudgarzi bhi shaamil hai,
ye be-mausam ka phal hai ye bahut meetha nahin hoga.

Puraane shehar ke logon mein ek rasm-e-murawwat hai,
humare paas aa jaao kabhi dhokha nahin hoga. !!

Munawwar Rana