Home / Tag Archives: marham

Tag Archives: marham

Ek Aazaar Hui Jaati Hai Shohrat Hum Ko..

Ek aazaar hui jaati hai shohrat hum ko,
khud se milne ki bhi milti nahin fursat hum ko.

Roshni ka ye musaafir hai raah-e-jaan ka nahin,
apne saaye se bhi hone lagi wehshat hum ko.

Aankh ab kis se tahayyur ka tamasha maange,
apne hone pe bhi hoti nahin hairat hum ko.

Ab ke ummeed ke shole se bhi aankhen na jali,
jaane kis mod pe le aayi mohabbat hum ko.

Kaun si rut hai zamaane humen kya maloom,
apne daaman mein liye phirti hai hasrat hum ko.

Zakhm ye wasl ke marham se bhi shayad na bhare,
hijr mein aisi mili ab ke masaafat hum ko.

Daagh-e-isyaan toh kisi taur na chhupte ‘amjad
dhaanp leti na agar chaadar-e-rahmat hum ko. !!

Amjad Islam Amjad

Zindagi Log Jise Marham-e Ghum Jaante Hain..

saddest boy

Zindagi log jise marham-e ghum jaante hain,

Jis tarah hum ne guzaari hai woh hum jaante hain …!

Mohsin Naqvi

Arey Jee Bhar Ke Tadpao Shikayat Kaun Karta Hai…

Haqeeqat jaan kar aisi himaaqat kaun karta hai,
bhala be’faiz logon se muhobbat kaun karta hai.

Bataao jis tijaarat mein khasara hi khasaara ho,
bina soche khasaare ki tijaarat kaun karta hai.

Humein hi ghalt’fehmi thi kisi ke waaste warna,
zamaane ke riwaajon se baghawat kaun karta hai.

Khuda ne sabar karne ki mujhe toufeeq bakshi hai,
arey jee bhar ke tadpao shikayat kaun karta hai.

Kisi ke dil ke zakhmon par marham rakhna zaroori hai,
dost iss daur mein lekin ye zehmat kaun karta hai. !!