Home / Tag Archives: Maqtal-shayari

Tag Archives: Maqtal-shayari

Mere Ashkon Ne Kayi Aankhon Mein Jal Thal Kar Diya..

Mere ashkon ne kayi aankhon mein jal thal kar diya,
ek paagal ne bahut logon ko paagal kar diya.

Apni palkon par sajaa kar mere aansoo aap ne,
raaste ki dhool ko aankhon ka kaajal kar diya.

Maine dil de kar usey ki thi wafa ki ibtida,
uss ne dhokha de ke ye qissa mukammal kar diya.

Ye hawaayen kab nigaahen pher lein kis ko khabar,
shohraton ka takht jab toota toh paidal kar diya.

Devtaaon aur khudaaon ki lagaayi aag ne,
dekhte hi dekhte basti ko jungle kar diya.

Zakhm ki soorat nazar aate hain chehron ke nuqoosh,
hum ne aainon ko tehzeebon ka maqtal kar diya.

Shehar mein charcha hai aakhir aisi ladki kaun hai,
jis ne achchhe-khaase ek shaayar ko paagal kar diya. !!

Rahat Indori

Halaanky Humein Laut Ke Jana Bhi Nahin Hai..

Halaanky humein laut ke jana bhi nahin hai,
kashti magar iss baar jalaana bhi nahin hai.

Talwaar na chhoone ki kasam khayi hai lekin,
dushman ko kaleje se lagana bhi nahin hai.

Ye dekh ke maqtal mein hansi aati hai mujh ko,
saccha mere dushman ka nishaana nahin hai.

Main hun.. mera baccha hai.. khilono ki dukaan hai,
ab mere paas koi bahaanaa bhi nahin hai.

Pehle ki tarah aaj bhi hain teen hi shaayar,
ye raaz magar sab ko bataana bhi nahin hai. !!

Iss Gali Mein Woh Bhookha Kisaan Rehta Hai..

Iss gali mein woh bhookha kisaan rehta hai,
Ye woh zameen hai jahan aasmaan rehta hai.

Main dar raha hun hawa se ye pedd gir na pade,
Ki iss pe chiddiyon ka ek khandaan rehta hai.

Sadak pe ghoomte paagal ki tarah dil hai mera,
Humesha chot ka taaza nishaan rehta hai.

Tumhare khwaabon se aankhen mehakti rehti hain,
Tumhari yaad se dil zafraan rehta hai.

Humen hareefon ki tadaat kyon batate ho?
Humare saath bhi beta jawaan rehta hai.

Sajaye jate hain maqtal mere liye ‘Rana
Watan mein roz mera imtehaan rehta hai. !!