Home / Tag Archives: lamha-shairy

Tag Archives: lamha-shairy

Jis Ki Qismat Hi Dar-ba Dar Thehre..

Mohsin Naqvi Poetry

Jis ki qismat hi dar-ba dar thahre,
woh bujha chaand kis ke ghar thahre. !

Umar guzri sanwaarte dil ko,
kaash woh dil mein lamha bhar thahre. !

Usey kya poochhna safar ki thakan,
jis ki manzil hi rahguzar thahre. !

Uski qeemat, azaab sooraj ka
woh sitaara jo taa-sahar thahre. !

Uski aankhen udhar gayi hi nahin,
log kya kya na mod par thahre. !

Hum se kaisa hasad hawa-e safar,
hum toh gard-e raah-e safar thahre. !

Jhuk ke choome na kyon falak ‘Mohsin
jab sinaa par kisi ka sar thahre. !!