Home / Tag Archives: lahad

Tag Archives: lahad

Aa Hi Gaya Woh Mujh Ko Lahad Mein Utaarne..

Hafeez Jalandhari Poetry

Aa hi gaya woh mujh ko lehad mein utaarne,
ghaflat zara na ki mere ghaflat-shiar ne.

O be-naseeb din ke tasawwur se khush na ho,
chola badal liya hai shab-e-intezaar ne.

Ab tak aseer-e-daam-e-fareb-e-hayaat hun,
mujh ko bhula diya mere parwardigaar ne.

Nauhagaron ko bhi hai gala baithne ki fikr,
jaata hun aap apni ajal ko pukaarne.

Dekha na kaarobaar-e-mohabbat kabhi ‘hafeez
fursat ka waqt hi na diya kaarobaar ne. !!

 

Subscribe us for hafeez jalandhari shayari, ghazals, poetry, urdu poets, poems, nazms, shair.