Home / Tag Archives: lafz

Tag Archives: lafz

Umar Bhar Seena-e Fankaar Se Behta Hai Lahoo..

Umar bhar seena-e fankaar se behta hai lahoo,

Tab kahin jaa kar koi lafz mahak deta hai .!!

Umar Bhar Seena-e Fankaar Se Behta Hai Lahoo..
3.3 (66.67%) 3 votes

Ye Jaane Kaisa Raaz Hai – Javed Akhtar [ZNMD]

Zindagi Na Milegi Dobara [ZNMD]  Poem

Ek baat honthon tak hai jo aayi nahin,
Bas aankhon se hai jhaankti..
Tum se kabhi.. Mujh se kabhi,
Kuchh lafz hain woh maangti…
Jin ko pehan ke honthon tak aa jaaye woh,
Aawaaz ki baahon mein baahen daal ke ithlaaye woh,
Lekin jo ye ek baat hai..
Ehsaas hi ehsaas hai !
Khushboo si hai jaise hawa mein tairti,
Khushboo jo be-aawaaz hai,
Jis ka pataa tum ko bhi hai..
Jis ki khabar mujh ko bhi hai..
Duniya se bhi chhupta nahin !

Ye jaane kaisa raaz hai …!!

Javed Akhtar Poetry Collection

Subscribe us for latest javed akhtar ghazals, poems, poetry, shayari, urdu poets. 

Ye Jaane Kaisa Raaz Hai – Javed Akhtar [ZNMD]
Please Rate this poetry!

Marhala Raat Ka Jab Aayega..

Qateel Shifai Poetry

Marhala raat ka jab aayega,
jism saaye ko taras jaayega.

Chal padi rasm jo kaj-fahmi ki,
baat kya phir koi kar paayega.

Sach se katraaye agar log yahan,
lafz mafhoom se katraayega.

Aitbaar uss ka humesha karna,
woh toh jhoothi bhi kasam khaayega.

Tu na hogi toh phir aye shaam-e-firaaq,
kaun aa kar humen behalaayega.

Hum usey yaad bahut aayenge,
jab usey bhi koi thukraayega.

Kaayenaat uss ki meri zaat mein hai,
mujh ko kho kar woh kise paayega.

Na rahe jab woh bhale din bhi ‘qateel
ye zamaana bhi guzar jaayega. !!

– Click Here For Qateel Shifai Poetry, Poems Collection

Marhala Raat Ka Jab Aayega..
Please Rate this poetry!

Meri Nazar Se Na Ho Door Ek Pal Ke Liye..

Qateel Shifai Poetry

Meri nazar se na ho door ek pal ke liye,
tera wajood hai laazim meri ghazal ke liye.

Kahan se dhoond ke laaun charaagh se woh badan,
taras gaye hain nigaahen kanwal kanwal ke liye.

Kisi kisi ke naseebon mein ishq likha hai,
har ek dimaagh bhala kab hai iss khalal ke liye.

Hui na jurrat-e-guftaar toh sabab ye tha,
mile na lafz tere husn-e-be-badal ke liye.

Sadaa jiye ye mera shehar-e-bemisaal jahaan,
hazaar jhonpade girte hain ek mehal ke liye.

Qateel’ zakhm sahun aur muskurata rahun,
bane hain daayre kya kya mere amal ke liye. !!

– Click Here For Qateel Shifai Poetry, Poems Collection

Meri Nazar Se Na Ho Door Ek Pal Ke Liye..
Please Rate this poetry!

Ashkon Ki Zamaanat Bhi Jahan Kaam Na Aai..

weeping girl

Ashkon ki zamaanat bhi jahan kaam na aai ,

Uss Bazam mein lafzon ka yaqeen kaun karega …?

Ashkon Ki Zamaanat Bhi Jahan Kaam Na Aai..
4.8 (96.67%) 6 votes

Zara Thehar Jaao..

Khade hain khwaab hatheli pe rakh kar,
Subah ki aas mein ye jugnu lamhe.
Tumhare dastakein gumm ho rahi hain,
Na aane ke bahaane dhundate ho..
Samajhna hai samajh jaao,
Jo jana hai chale jaao,
Magar ye dil kyon ab tak keh reha hai ?
Zara thehar jaao..
Zara thehar jaao..!

Ulajhte hain sulajhte hain,
Bikhar ke khush bhi rehte hain.
Dilon ki kashmakash mein aise bhi,
Kuchh mod milte hain..
Naye lafzon se likhi jayegi ab ye kahaani.
Muhabbat naam hai jis ka..
Usey sab jhooth kehte hain.
Samajhna hai samajh jaao..
Jo jana hai chale jaao..
Magar ye dil kyon ab tak keh raha hai
Zara thehar jaao..
Zara thehar jaao …!!

Zara Thehar Jaao..
5 (100%) 3 votes

Hum Ko Toh Umar Lagi Yaar Tak Aate Aate..

Lafz toote lab-e izhaar tak aate aate,
Mar gaye hum tere mayaar tak aate aate.

Hum samajhte the ki kuchh waqt lagega shaayad,
Ek inkaar ko iqraar tak aate aate.

Haath rakhna pada seene pe humein bhi aakhir,
Dil kahan rehta hai dildaar tak aate aate.

Ek lamhe ki musaafat bhi badi hoti hai,
Hum ko toh umar lagi yaar tak aate aate. !!

Hum Ko Toh Umar Lagi Yaar Tak Aate Aate..
4.7 (93.33%) 3 votes