Home / Tag Archives: Kinara

Tag Archives: Kinara

Mera Raaz e Dil Aashkara Nahin..

Meer Anees Poetry

Mera raaz-e-dil aashkaara nahin,
woh dariya hun jis ka kinaara nahin.

Woh gul hun juda sab se hai jis ka rang,
woh bu hun ki jo aashkaara nahin.

Woh paani hun sheerin nahin jis mein shor,
woh aatish hun jis mein sharaara nahin.

Bahut zaal-e-duniya ne deen baaziyan,
main woh naujawaan hun jo haara nahin.

Jahannam se hum be-qaraaron ko kya,
jo aatish pe thehre woh paara nahin.

Faqeeron ki majlis hai sab se juda,
ameeron ka yaan tak guzaara nahin.

Sikandar ki khaatir bhi hai sadd-e-baab,
jo dara bhi ho to madara nahin

Kisi ne teri tarah se aey ‘anees
urus-e-sukhan ko sanwaara nahin. !!

Click Here For Meer Anees Poetry Collection

Mera Raaz e Dil Aashkara Nahin..
Please Rate this poetry!

Dariya Ko Zom Tha Ki Main Dhaare Pe Aa Gaya..

Dariya ko zom tha ki main dhaare pe aa gaya,
lekin main bach bachaa ke kinaare pe aa gaya.

Mujh ko bulaane waalon ne umren nikaal di,
lekin main tere ek ishaare pe aa gaya.

Uss ka tamaam husn humari nazar mein hai,
kashmir saara ek shikaare pe aa gaya.

Saanso ki dor toot bhi jaaye toh ghum nahin,
shukr-e khuda main aakhri paare pe aa gaya. !!

Munawwar Rana

Dariya Ko Zom Tha Ki Main Dhaare Pe Aa Gaya..
Please Rate this poetry!