Home / Tag Archives: Khwahish Shayari

Tag Archives: Khwahish Shayari

Aainon Mein Aks Na Hon Toh Hairat Rehti Hai..

Aainon mein aks na hon toh hairat rehti hai,
jaise khaali aankhon mein bhi wehshat rehti hai.

Har dum duniya ke hungaame ghere rakhte the,
jab se tere dhyaan lage hain fursat rehti hai.

Karni hai toh khul ke karo inkaar-e-wafa ki baat,
baat adhoori reh jaaye toh hasrat rehti hai.

Shehar-e sukhan mein aisa kuchh kar izzat ban jaaye,
sab kuchh mitti ho jaata hai izzat rehti hai.

Bante bante dheh jaati hai dil ki har taameer,
khwaahish ke behroop mein shayad qismat rehti hai.

Saaye larazte rehte hain shehron ki galyion mein,
rehte the insaan jahan ab dehshat rehti hai.

Mausam koi khushboo le kar aate jaate hain,
kya kaya hum ko raat gaye tak wehshat rehti hai.

Dhyaan mein mela sa lagta hai beeti yaadon ka,
aksar uss ke ghum se dil ki sohbat rehti hai.

Phoolon ki takhti par jaise rangon ki tehreer,
lauh-e-sukhan par aise ‘amjad’ shohrat rehti hai. !!

Amjad Islam Amjad 

Aainon Mein Aks Na Hon Toh Hairat Rehti Hai..
Please Rate this poetry!

Uss Ka Naksha Ek Betarteeb Afsaane Ka Tha..

Uss ka naksha ek betarteeb afsaane ka tha,
ye tamasha tha ya koi khwaab deewane ka tha.

Saare kirdaaron mein be-rishta taalluqq tha koi,
un ki behoshi mein ghum sa hosh aa jaane ka tha.

Ishq kya hum ne kiya aawaargi ke ehad mein,
ek jatan bechainiyon se dil ko bahlaane ka tha.

Khwaahishen hain ghar se baahar door jaane ki bahut,
shauq lekin dil mein waapas laut kar aane ka tha.

Le gaya dil ko jo iss mehfil ki shab main aye ‘munir
uss haseen ka bazm mein andaaz sharmaane ka tha. !!

Munir Niazi

Uss Ka Naksha Ek Betarteeb Afsaane Ka Tha..
5 (100%) 2 votes

Roshni Dar Roshni Hai Uss Taraf..

Roshni dar roshni hai uss taraf,
zindagi dar zindagi hai uss taraf.

Jin azaabon se guzarte hain yahan,
un azaabon ki nafi hai uss taraf.

Ek rihaaish khwaahish-e dil ki tarah,
ek numaaish khwaab ki hai uss taraf.

Jo bikhar kar reh gaya hai iss jagah,
husn ki ek shakl bhi hai uss taraf.

Justujoo jis ki yahan par ki ‘munir
uss se milne ki khushi hai uss taraf. !!

Munir Niazi

Roshni Dar Roshni Hai Uss Taraf..
5 (100%) 2 votes

Kitni Zulfen Kitne Aanchal Udey Chaand Ko Kya Khabar..

chaand-aur-ladki-girl-and-moon-shayari-poetry-nazm-zulf

Kitni zulfen kitne aanchal udey chaand ko kya khabar,
kitna maatam hua kitne aansoo bahe chaand ko kya khabar.

Muddaton uss ki khwaahish se chalte rahe haath aata nahin,
chaah mein uss ki pairon mein hain aable chaand ko kya khabar.

Woh jo nikla nahin toh bhatakte rahe hain musaafir kayi,
aur lut’te rahe hain kayi kaafile chaand ko kya khabar.

Uss ko daava bahut mithe-pan ka ‘wasi chaandni se kaho,
uss ki kirnon se kite hi ghar jal gaye chaand ko kya khabar. !!

Wasi Shah

Kitni Zulfen Kitne Aanchal Udey Chaand Ko Kya Khabar..
5 (100%) 3 votes

Mar Jaane Ki Khwaahish Mein Jeete Chale Jaate Hain..

p 11

Hum woh bedard hain,
khwaab ganwa kar bhi jinhe neend aa jaati hai.

Soch soch kar bhi jin ke zehnon ko kuchh nahin hota,
toot phoot kar bhi jin ke dil dhadakna yaad rakhte hain.

Toot kar rone ki koshish mein jo,
baat – bebaat muskarate hain.

Shaam se pehle mar jaane ki khwaahish mein jo jeete hain,
aur jeete hi chale jaate hain. !!

Mar Jaane Ki Khwaahish Mein Jeete Chale Jaate Hain..
4.5 (90%) 6 votes

Usne Kaha Tha Suno..

P 1

Usne keha tha suno..
Ehad nibhaane ki khatir mat aana,
Ehad nibhaane waale aksar
Majboori ki thakaan se lauta karte hain..!
Tum jaao..
Samandar samandar apni pyaas bujhaao,
Jin aankhon mein utro,
Jis diL mein dubo,
Meri tanhaai tumhe aawaz na degi..
Magar jab
Meri khawaahish aur chaahat ki lehar,
Itni oonchi aur tez ho jaaye
Ki dil ro de,
Toh
Laut aana …!

Usne Kaha Tha Suno..
4.7 (93.33%) 3 votes