Home / Tag Archives: khushboo-shayari

Tag Archives: khushboo-shayari

Sar Se Chaadar Badan Se Qabaa Le Gayi..

Sar se chaadar badan se qabaa le gayi,
zindagi hum faqeeron se kya kya le gayi.

Meri mutthi mein sookhe hue phool hain,
khusbuon ko udaa kar hawaa le gayi.

Main samundar ke seene mein chattaan tha,
raat ek mauj aayi baha le gayi.

Hum jo kaaghaz the ashqon se bheege hue,
kyon chiraaghon ki lau tak hawaa le gayi.

Chaand ne raat mujh ko jaga kar keha,
ek ladki tumhara pata le gayi.

Meri shoharat siyaasat se mahfoos hai,
ye tawaayaf bhi ismat bacha le gayi. !!

Bashir Badr

Sar Se Chaadar Badan Se Qabaa Le Gayi..
5 (100%) 3 votes

Raat Aankhon Mein Dhali Palkon Pe Jugnu Aaye..

Shahrukh_Khan_srk_anushka_sharma_romantic_sad_in_jab_tak_hai_jaan_shayari_poetry_bashir_badr

Raat aankhon mein dhali palkon pe jugnu aaye,
hum hawaaon ki tarah jaa ke usey chhoo aaye.

Bas gayi hai mere ehsaas mein ye kaisi mehak,
koi khushboo main lagaaun teri khushboo aaye.

Mera aaina bhi ab meri tarah paagal hai,
aaina dekhne jaaun toh nazar tu aaye.

Kis taklluf se gale milne ka mausam aaya,
kuchh kaaghaz ke phool liye kaanch ke baazu aaye.

Uss ka dil, dil nahin patthar ka kaleja hoga
jis ko phoolon ka hunar, aansoo ka jaadoo aaye.

Uss ne chhoo kar mujhe patthar se phir insaan kiya,
muddaton baad meri aankhon mein aansoo aaye.

Un faqeeron ko ghazal apni sunaate rahiyo,
jin ki aawaaz mein darghaahon ki khushboo aaye. !!

Bashir Badr

Raat Aankhon Mein Dhali Palkon Pe Jugnu Aaye..
5 (100%) 5 votes

Parakhna Mat Parakhne Mein Koi Apna Nahin Rehta..

Sad_serious_girl_women_at_beach_shayari_poetry

Parakhna mat parakhne mein koi apna nahin rehta,
kisi bhi aaine mein der tak chehra nahin rehta.

Bade logon se milne mein humesha faasla rakhna,
jahan dariya samandar se mile dariya nahin rehta.

Hazaaron sher mere so gaye kaaghaz ki qabron mein,
ajab maa hun koi baccha mera zinda nahin rehta.

Tumhara shehar toh bilkul naye andaaz wala hai,
humare shehar mein bhi koi hum sa nahin rehta.

Mohabbat ek khushboo hai humesha saath chalti hai,
koi insaan tanhaai mein bhi tanha nahin rehta.

Koi baadal hare mausam ka phir elaan karta hai,
khizan ke baagh mein jab ek bhi patta nahin rehta. !!

Bashir Badr

Parakhna Mat Parakhne Mein Koi Apna Nahin Rehta..
4.8 (96%) 5 votes

Kahi – Suni Pe Bahut Aitbaar Karne Lage..

Kahi – suni pe bahut aitbaar karne lage,
mere hi log mujhe sangsaar karne lage.

Puraane logon ke dil bhi hain khusbuon ki tarah,
zara kisi se mile aitbaar karne lage.

Naye zamaane se aankhen nahin mila paaye,
toh log guzre zamaane se pyaar karne lage.

Koi ishaara, dilaasa na koi waada magar,
jab aayi shaam tera intzaar karne lage.

Humari sada-mizazi ki daad de ki tujhe,
baghair parkhe tera aitbaar karne lage. !!

Wasim Barelvi

Kahi – Suni Pe Bahut Aitbaar Karne Lage..
5 (100%) 2 votes

Ab Kis Se Kahen Aur Kaun Sune Jo Haal Tumhare Baad Hua..

Sad_alone_thinking_girl_Noshi_gilani_shayari_poetry

Ab  kis se kahen aur kaun sune jo haal tumhare baad hua,
iss dil ki jheel si aankhon mein ek khwaab bahut barbaad hua.

Ye hijr-hawa bhi dushman hai iss naam ke saare rangon ki,
woh naam jo mere honthon par khushboo ki tarah aabaad hua.

Uss shehar mein kitne chehre the kuchh yaad nahin sab bhool gaye,
ek shakhs kitaabon jaisa tha woh shakhs zubaani yaad hua.

Woh apne gaaon ki galiyaan thi dil jin mein naachta gaata tha,
ab iss se farq nahin padta nashaad hua ya shaad hua.

Benaam sataaish rehti thi in gehri saanwali aankhon mein,
aisa toh kabhi socha bhi na tha dil ab jitna bedaad hua. !!

-> Noshi Gilani

Ab Kis Se Kahen Aur Kaun Sune Jo Haal Tumhare Baad Hua..
5 (100%) 3 votes