Home / Tag Archives: Justajoo Shayari

Tag Archives: Justajoo Shayari

Thi Jis Ki Justajoo Woh Haqeeqat Nahin Mili..

Thi jis ki justajoo woh haqeeqat nahin mili,
inn bastiyon mein hum ko rafaaqat nahin mili.

Ab tak hain iss gumaan mein ki hum bhi hain dahar mein,
iss weham se nijaat ki soorat nahin mili.

Rehna tha uss ke saath bahut der tak magar,
inn roz-o-shab mein mujh ko ye fursat nahin mili.

Kehna tha jis ko uss se kisi waqt mein mujhe,
iss baat ke kalaam ki mohlat nahin mili.

Kuchh din ke baad uss se juda ho gaye ‘munir
uss bewafa se apni tabeeyat nahin mili. !!

Munir Niazi

Thi Jis Ki Justajoo Woh Haqeeqat Nahin Mili..
5 (100%) 4 votes

Roshni Dar Roshni Hai Uss Taraf..

Roshni dar roshni hai uss taraf,
zindagi dar zindagi hai uss taraf.

Jin azaabon se guzarte hain yahan,
un azaabon ki nafi hai uss taraf.

Ek rihaaish khwaahish-e dil ki tarah,
ek numaaish khwaab ki hai uss taraf.

Jo bikhar kar reh gaya hai iss jagah,
husn ki ek shakl bhi hai uss taraf.

Justujoo jis ki yahan par ki ‘munir
uss se milne ki khushi hai uss taraf. !!

Munir Niazi

Roshni Dar Roshni Hai Uss Taraf..
5 (100%) 2 votes

Aaina Ab Juda Nahin Karta..

Aaina ab juda nahin karta,
qaid mein hun rihaa nahin karta.

Mustaqil sabr mein hai koh-e-giraan,
naqs-e-ibrat sadaa nahin karta.

Rang-e-mehfil badalta rahta hai,
rang koi wafa nahin karta.

Aish-e-duniya ki justajoo mat kar,
ye dafeena mila nahin karta.

Jii mein aaye jo kar guzarta hai,
tu kisi ka keha nahin karta.

Ek waaris humesha hota hai,
takht khaali raha nahin karta.

Ahd-e-insaaf aa raha hai ‘munir
zulm daayam hua nahin karta. !!

Munir Niazi

Aaina Ab Juda Nahin Karta..
5 (100%) 1 vote