Home / Tag Archives: jism

Tag Archives: jism

Ye Sara Jism Jhuk Kar Bojh Se Duhra Hua Hoga..

Dushyant Kumar Poetry

Ye saara jism jhuk kar bojh se duhra hua hoga,
main sajde mein nahin tha aap ko dhokha hua hoga.

Yahan tak aate aate sookh jaati hain sabhi nadiyaan,
mujhe maloom hai paani kahan thehra hua hoga.

Ghazab ye hai ki apni maut ki aahat nahin sunte,
woh sab ke sab pareshaan hain wahan par kya hua hoga.

Tumhare shehar mein ye shor sun sun kar toh lagta hai,
ki insaanon ke jungle mein koi haanka hua hoga.

Kayi faake bita kar mar gaya jo uss ke baare mein,
wo sab kehte hain ab, aisa nahin, aisa hua hoga.

Yahan toh sirf goonge aur bahre log baste hain,
khuda jaane wahan par kis tarah jalasa hua hoga.

Chalo ab yaadgaaron ke andheri kothri kholen,
kam-az-kam ek woh chehra toh pehchaana hua hoga. !!

Dushyant Kumar Poetry Collection

Subscribe us For Dushyant Kumar Poetry, All types Urdu Poetry.. Urdu legend Poets Poetry.

Aahat Jo Sunai Di Hai Hijr Ki Shab Ki Hai..

Shahryar Poetry

Aahat jo sunaayi di hai hijr ki shab ki hai,
ye raaye akeli meri nahin hai sab ki hai.

Sunsaan sadak sannate aur lambe saaye,
ye saari faza aey dil tere matlab ki hai.

Teri deed se aankhen jii bhar ke sairaab hui,
kis roz hua tha aisa, baat ye kab ki hai.

Tujhe bhool gaya kabhi yaad nahin karta tujh ko,
jo baat bahut pehle karni thi ab ki hai.

Mere sooraj aa! mere jism pe apna saaya kar,
badi tez hawa hai sardi aaj ghazab ki hai. !!

Shahryar Poetry Collection

Subscribe us for all types urdu poetry. Nazms, poems, poetry, shayari, ghazals, shair, shairy.

Aandhiyan Aati Thi Lekin Kabhi Aisa Na Hua..

Shahryar Poetry

Aandhiyaan aati thi lekin kabhi aisa na hua,
khauf ke maare juda shaakh se patta na hua.

Rooh ne pairahan-e-jism badal bhi daala,
ye alag baat kisi bazm mein charcha na hua.

Raat ko din se milaane ki hawas thi hum ko,
kaam achchha na tha anjaam bhi achchha na hua.

Waqt ki dor ko thaame rahe mazbooti se,
aur jab chhooti toh afsos bhi iss ka na hua.

Khoob duniya hai ki sooraj se raqaabat thi jinhen,
un ko haasil kisi deewaar ka saaya na hua. !!

Shahryar Poetry Collection

Subscribe us for all Urdu Poetry, Urdu legend Poet’s Poetry.

Ye Chiragh Benazar Hai Ye Sitara Bezuban Hai – Bashir Badr

Bashir Badr Poetry

Ye chiraagh benazar hai ye sitaara bezubaan hai,
abhi tujh se milta julta koi dusra kahan hai.

Wahi shakhs jis pe apne dil-o-jaan nisaar kar dun,
woh agar khafa nahin hai toh zaroor badgumaan hai.

Kabhi paa ke tujh ko khona kabhi kho ke tujh ko paana,
ye janam janam ka rishta tere mere darmiyaan hai.

Mere saath chalne waale tujhe kya mila safar mein,
wahi dukh bhari zameen hai wahi ghum ka aasmaan hai.

Main issi gumaan mein barson mutmain raha hun,
tera jism betgaiyyur hai mera pyaar zaavidaan hai.

Unhi raaston ne jis par kabhi tum the saath mere,
mujhe rok rok poochha tera humsafar kahan hai. !!

Bashir Badr Poetry Collection

Subscribe us for Bashir badr & all urdu legend’s poetry, Ghazals, poems, nazms, shayaries.

Tamaam Jism Ko Aankhen Bana Ke Raah Tako..

Munawwar Rana  2 Line Poetry

Tamaam jism ko aankhen bana ke raah tako,
tamaam khel mohabbat mein intezaar ka hai …!

Munawwar Rana

Bade Bane The Jalib Saahab Pite Sadak Ke Beech..

Habib Jalib Poetry

Bade bane the ‘jalib’saahab pite sadak ke beech,
goli khaayi laathi khaayi gire sadak ke beech.

Kabhi girebaan chaak hua kabhi hua dil khoon,
humen toh yun hi mile sukhan ke sile sadak ke beech.

Jism pe jo zakhmon ke nishaan hain apne tamghe hain,
mili hai aisi daad wafa ki kise sadak ke beech. !!

–  Click Here For Habib Jalib Poetry, Poems  Collection

Mil Kar Juda Hue Toh Na Soya Karenge Hum..

Qateel Shifai Poetry

Mil kar juda hue toh na soya karenge hum,
ek doosre ki yaad mein roya karenge hum.

Aansoo chalak chalak ke sataayenge raat bhar,
moti palak palak mein piroyaa karenge hum.

Jab dooriyon ki aag dilon ko jalaayegi
jismon ko chaandni mein bhigoya karenge hum.

Been kar har ek bazm ka mauzu-e-guftugoo,
sheron mein tere ghum ko samoya karenge hum.

Mazbooriyon ke zehar se kar lenge khudkushi,
ye buzdili ka jurm bhi goya karenge hum.

Dil jal raha hai zard shajar dekh dekh kar,
ab chaahton ke beej na boya karenge hum.

Gar de gaya daghaa humen toofaan bhi ‘qateel
saahil pe kashtiyon ko duboya karenge hum. !!

– Click Here For Qateel Shifai Poetry, Poems Collection

Is Taraf Se Guzre The Qaafile Bahaaron Ke..

Iss taraf se guzre the qaafile bahaaron ke,
aaj tak sulagte hain zakhm rahguzaaron ke.

Khalwaton ke shaidaai khalwaton mein khulte hain,
hum se poochh kar dekho raaz parda-daaron ke.

Gesuon ki chhanv mein dil-nawaaz chehre hain,
ya haseen dhundalkon mein phool hain bahaaron ke.

Pehle hans ke milte hain phir nazar churaate hain,
aashna-sifat hain log ajnabi dayaaron ke.

Tum ne sirf chaha hai hum ne chhoo ke dekhe hain,
pairahan ghataaon ke jism barq-paaron ke.

Shughl-e-mayy-parasti go jashn-e-namuraadi tha,
yun bhi kat gaye kuchh din tere sogwaaron ke. !!

Sahir Ludhianvi

Aye Wasl Kuchh Yahan Na Hua Kuchh Nahi Hua..

Aye wasl kuchh yahan na hua kuchh nahi hua,
uss jism ki main jaan na hua kuchh nahi hua.

Tu aaj mere ghar mein jo mehmaan hai Eid hai,
tu ghar ka mezbaan na hua kuchh na hua.

Kholi toh hai zabaan magar iss ki kya bisaat,
main zehar ki dukaan na hua kuchh nahi hua.

Kya ek kaarobaar tha woh rabt-e jism-o jaan,
koi bhi raigaan* na hua kuchh nahi hua.

Kitna jala hua hun bas ab kya bataaun main,
aalam dhuaan – dhuaan na hua kuchh nahi hua.

Dekha tha jab ki pehle – pehal usne aaina,
uss waqt main wahan na hua kuchh nahi hua.

Woh ek jamaal jalwa-fishan hai zameen – zameen,
main ta-ba-aasmaan na hua kuchh nahi hua.

Maine bas ek nighaah mein tayy kar liya tujhe,
tu rang-e bekaraan na hua kuchh nahi hua.

Ghum ho ki jaan tu meri aaghosh-e zaat mein,
benaam-o nishaan na hua kuchh nahi hua.

Har koi darmiyaan hai aye maajra-farosh,
main apne darmiyaan na hua kuchh nahi hua. !!
*[ Raigaan=useless ]

Woh Mila Bhi Tha Ye Bharam Raha..

Na khushi rahi na hi ghum raha,
mere jism mein main dafan raha.

Koi mil gaya toh ye shaq hua,
woh mila bhi tha ye bharam raha.

Na woh justju na woh guftgu,
na hi soch mein koi dum raha.

Usey ishq hai meri zaat se,
mujhe umar bhar ye bharam raha.

Mujhe cheekhne ko keha gaya,
mera lehja phir bhi naram raha. !!