Home / Tag Archives: jhooth

Tag Archives: jhooth

Zara Si Der Mein Hum Kaise Kholte Us Ko..

Zara si der mein hum kaise kholte uss ko,
tamaam umar lagi jhooth bolte uss ko.

Jise kasheed kiya tha khumaar-e-khushboo se,
misaal-e rang hawaaon mein gholtey uss ko.

Woh khwaab mein hi utarta shuaa-e subah ke saath,
hum apne aap hi palkon pe taultey uss ko.

Woh ashq tha usey aankhon mein dafan hona tha,
gauhar na tha ki sitaaron mein roltey uss ko.

Woh bewafa tha toh iqraar laazmi karta,
kuchh aur der meri jaan tatoltey uss ko.

Kisi ki aankh se ‘mohsin’ zaroor peeta hai,
tamaam shehar ne dekha hai daultey uss ko. !!

Shamm-e Mazar Thi Na Koi Sogwar Tha..

Bekhud Dehlvi Poetry

Shamm-e-mazaar thi na koi sogwaar tha,
tum jis pe ro rahe the woh kis ka mazaar tha.

Tadpunga umar bhar dil-e-marhoom ke liye,
kambakht na-muraad ladkpan ka yaar tha.

Jaadu hai ya tilism tumhari zubaan main,
tum jhooth keh rahe the mujhe aitbaar tha.

Kya kya humaare sajde ki ruswaaiyaan hui,
naqsh-e-qadam kisi ka sare rahguzaar tha. !!

Bekhud Dehlvi Poetry Collection

Subscribe us for Bekhud Dehlvi Shayari, Ghazals, Shayari, Urdu Poetry, Nazms, Poems, Urdu Poets, Shair.

Aaj Chandni Bhi Meri Tarah Jaag Rahi Hai..

Bashir Badr Poetry

Aaj chaandani bhi meri tarah jaag rahi hai,
palakon pe sitaroon ko liye raat khadi hai.

Ye baat ki soorat ke bhale dil ke bure hon,
allaah kare jhooth ho bahuton se suni hai.

Woh maathe ka matlaa ho ki honthon ke do misre,
bachpan ki ghazal hi meri mehboob rahi hai.

Ghazlon ne wahin zulfon ke phailaa diye saaye,
jin raahon pe dekha hai bahut dhoop kadi hai.

Hum dilli bhi ho aaye hain lahore bhi ghume,
aey  yaar magar teri gali, teri gali hai. !!

Bashir Badr Poetry Collection

Subscribe Us For Bashir Badr Shayari, Urdu Poetry, Ghazals, Urdu Legend Poets, Nazms, Shair-o-shairy.

Zara Thehar Jaao..

Khade hain khwaab hatheli pe rakh kar,
Subah ki aas mein ye jugnu lamhe.
Tumhare dastakein gumm ho rahi hain,
Na aane ke bahaane dhundate ho..
Samajhna hai samajh jaao,
Jo jana hai chale jaao,
Magar ye dil kyon ab tak keh reha hai ?
Zara thehar jaao..
Zara thehar jaao..!

Ulajhte hain sulajhte hain,
Bikhar ke khush bhi rehte hain.
Dilon ki kashmakash mein aise bhi,
Kuchh mod milte hain..
Naye lafzon se likhi jayegi ab ye kahaani.
Muhabbat naam hai jis ka..
Usey sab jhooth kehte hain.
Samajhna hai samajh jaao..
Jo jana hai chale jaao..
Magar ye dil kyon ab tak keh raha hai
Zara thehar jaao..
Zara thehar jaao …!!

Khidkiyan Mat Baja Main Nahi Bolti..

Main chup hun

Khidkiyan mat baja main nahi bolti,
Ja o jhoothi hawa main nahi bolti.
 
Chhod de meri dehleez ko chhod de,
Tujh se keh jo diya main nahi bolti.
 
Pehle iss ke liye sab se ladti phiri,
Phir isey keh diya main nahi bolti.
 
Mujh ko maloom hai jitni achhi hun main,
Ab na baatein bana main nahi bolti. !!

Khula Hai Jhooth Ka Bazaar Aao Sach Bolein..

Khula hai jhooth ka bazaar aao sach bolein,
na ho balaa se kharidaar aao sach bolein.

Sukoot* chhaya hai insaaniyat ki qabaron par,
yahi hai mauka-e izhaar aao sach bolein.

Humein gawaah banaya hai waqt ne apna,
ba-naam-e azmat-e kirdaar aao sach bolein.

Suna hai waqt ka haakim bada hi munsif hai,
pukaar kar sar-e bazaar aao sach bolein.

Tamaam shehar mein kya ek bhi nahi mansoor*,
kahenge kya rasan-o daar* aao sach bolein.

Bajaa ki khu-e wafa* ek bhi haseen mein nahi,
kahan ke hum bhi wafadaar aao sach bolein.

Jo wasf* hum mein nahi kyon karein kisi mein talaash,
agar zameer hai bedaar aao sach bolein.

Chhupaye se kahin chhupte hain daagh chehre ke,
nazar hai aaina-bardaar aao sach bolein.

Qateel’ jin pe sada pattharon ko pyar aaya,
kidhar gaye woh gunahgaar aao sach bolein. !!
*[ sukoot=silence |
mansoor=name of a Sufi saint who was hanged for saying “I am God”
khu-e wafa=habit of constancy | wasf=quality ]

Khoob Nibhegi Hum Dono Mein, Mere Jaisa Tu Bhi Hai ..

shahid and priynka sad,  couple sad in love

 

Khoob Nibhegi Hum Dono Mein, Mere Jaisa Tu Bhi Hai
Thoda Jhootha Main Bhi Thehra, Thoda Jhootha Tu Bhi Hai.

Ek Muddat Se Faasla Qaayam Sirf Humaare Beech Hi Kyon ?
Sab Se Milta Rehta Hun Main, Sab Se Milta Tu Bhi Hai.

Apne Apne Dil Ke Andar Simte Hue Hain Hum Dono,
Gumsum Gumsum Main Bhi Hun Aur Khoya Khoya Tu Bhi Hai..!!