Home / Tag Archives: Intekhaab

Tag Archives: Intekhaab

Ye Dil Kabhi Na Mohabbat Mein Kamyaab Hua..

Bekhud Dehlvi Poetry

Ye dil kabhi na mohabbat mein kaamyaab hua,
mujhe kharaab kiya, aap bhi kharaab hua.

Ajal mein, zeest mein, turabat mein, hashr mein zaalim
tere sitam ke liye main hi intekhaab hua.

Nigaah-e mast ko saaqi ki kaun de ilzaam,
mera naseeb ki ruswa mera shabaab hua.

Humaare ishq ki dus – bees ne bhi daad na di,
kisi ka husn zamaane mein intekhaab hua.

Fanaa ka daava hazaaron ko tha zamaane mein,
habaab* ne mujhe dekha toh aab* aab hua. !!

*[ Habaab=bulbulaa, bubble | Aab=paani, water ]

Bekhud Dehlvi Poetry Collection

Subscribe us for Bekhud Dehlvi Shayari, Urdu Poetry, Ghazals, Poems, Nazms, Shair, Sad, Love, Life.

Udas Raat Hai Koi Toh Khwab De Jaao – Bashir Badr

Bashir Badr Poetry

Udaas raat hai koi toh khwaab de jaao,
mere gilaas mein thodi sharaab de jaao.

Bahut se aur bhi ghar hain khuda ki basti mein,
faqeer kab se khada hai jawaab de jaao.

Main zard patton pe shabnam saza ke laaya hun,
kisi ne mujh se keha tha hisaab de jaao.

Meri nazar mein rahe doobne ka manzar bhi,
guroob hota hua aaftaab de jaao.

Fir iss ke baad nazaare nazar ko tarsenge,
woh ja raha hai khizaan ke gulaab de jaao.

Hazaar safhon ka deewan kaun padhta hai,
bashir badr’ koi intekhaab de jaao. !!

Bashir Badr Poetry Collection

Subscribe us for Bashir badr & all urdu legend’s poetry, Ghazals, poems, nazms, shayaries.