Home / Tag Archives: insaan

Tag Archives: insaan

Ye Sara Jism Jhuk Kar Bojh Se Duhra Hua Hoga..

Dushyant Kumar Poetry

Ye saara jism jhuk kar bojh se duhra hua hoga,
main sajde mein nahin tha aap ko dhokha hua hoga.

Yahan tak aate aate sookh jaati hain sabhi nadiyaan,
mujhe maloom hai paani kahan thehra hua hoga.

Ghazab ye hai ki apni maut ki aahat nahin sunte,
woh sab ke sab pareshaan hain wahan par kya hua hoga.

Tumhare shehar mein ye shor sun sun kar toh lagta hai,
ki insaanon ke jungle mein koi haanka hua hoga.

Kayi faake bita kar mar gaya jo uss ke baare mein,
wo sab kehte hain ab, aisa nahin, aisa hua hoga.

Yahan toh sirf goonge aur bahre log baste hain,
khuda jaane wahan par kis tarah jalasa hua hoga.

Chalo ab yaadgaaron ke andheri kothri kholen,
kam-az-kam ek woh chehra toh pehchaana hua hoga. !!

Dushyant Kumar Poetry Collection

Subscribe us For Dushyant Kumar Poetry, All types Urdu Poetry.. Urdu legend Poets Poetry.

Daayam Pada Hua Tere Dar Par Nahin Hun Main..

Mirza Ghalib Poetry

Daayam pada hua tere dar par nahin hun main,
khaak aisi zindagi pe ki patthar nahin hun main.

Kyon gardish-e-mudaam se ghabra na jaaye dil,
insaan hun pyaala-o-saaghar nahin hun main.

Yaa rab zamana mujh ko mitaata hai kis liye,
lauh-e-jahaan pe harf-e-mukarrar nahin hun main.

Had chaahiye sazaa mein uqoobat ke waaste,
aakhir gunaahgaar hun kaafir nahin hun main.

Kis waaste azeez nahin jaante mujhe,
laal-o-zumurrud-o-zar-o-gauhar nahin hun main.

Rakhte ho tum kadam meri aankhon se kyon daregh,
rutbe mein mehr-o-maah se kamtar nahin hun main.

Karte ho mujh ko mana-e-kadam-bos kis liye,
kya aasmaan ke bhi baraabar nahin hun main.

Ghalib’ wazeefa-khwar ho do shaah ko dua,
woh din gaye ki kehte the naukar nahin hun main. !!

– Click here for Mirza Ghalib Poetry collection

Karaahte Hue Insaan Ki Sadaa Hum Hain..

Habib Jalib Poetry

Karaahte hue insaan ki sadaa hum hain,
main sochta hun meri jaan aur kya hum hain.

Jo aaj tak nahin pahunchi khuda ke kaanon tak,
sar-e-dayaar-e-sitam aah-e-naa-rasaa hum hain.

Tabaahiyon ko muqaddar samajh ke hain khamosh,
humara ghum na karo dard-e-laa-dava hum hain.

Kahan nigaah se guzarte hain dukh bhare dihaat,
haseen shehron ke hi ghum mein mubtala hum hain. !!

– Click Here For Habib Jalib Poetry, Poems  Collection

Aainon Mein Aks Na Hon Toh Hairat Rehti Hai..

Aainon mein aks na hon toh hairat rehti hai,
jaise khaali aankhon mein bhi wehshat rehti hai.

Har dum duniya ke hungaame ghere rakhte the,
jab se tere dhyaan lage hain fursat rehti hai.

Karni hai toh khul ke karo inkaar-e-wafa ki baat,
baat adhoori reh jaaye toh hasrat rehti hai.

Shehar-e sukhan mein aisa kuchh kar izzat ban jaaye,
sab kuchh mitti ho jaata hai izzat rehti hai.

Bante bante dheh jaati hai dil ki har taameer,
khwaahish ke behroop mein shayad qismat rehti hai.

Saaye larazte rehte hain shehron ki galyion mein,
rehte the insaan jahan ab dehshat rehti hai.

Mausam koi khushboo le kar aate jaate hain,
kya kaya hum ko raat gaye tak wehshat rehti hai.

Dhyaan mein mela sa lagta hai beeti yaadon ka,
aksar uss ke ghum se dil ki sohbat rehti hai.

Phoolon ki takhti par jaise rangon ki tehreer,
lauh-e-sukhan par aise ‘amjad’ shohrat rehti hai. !!

Amjad Islam Amjad 

Yaqeen Aata Nahin Dil Ko Aisa Ho Bhi Sakta Hai..

girl thinking about boy

Yaqeen aata nahin dil ko ki aisa ho bhi skata hai,
Humara haal-e ghum sun kar woh zaalim ro bhi sakta hai.

Kabhi insaan akela ho ke bhi tanha nahin hota,
Sar-e mehfil kabhi baithe bithaaye kho bhi sakta hai.

Taajjub kyon hai tum ko humari begunaahi par?
Karam ka ek qatra daagh-e daaman dho bhi sakta hai.

Kabhi insaan ko neend aati nahin phoolon ke bistar par,
Kabhi patthar pe sar rakh kar maze se so bhi sakta hai.

Woh kehte hain teri khaatir sitaare todd laayenge,
Ba-zaahir yun nahin hota magar yun ho bhi sakta hai .!!

Ab Ke Tajdeed-e Wafa Ka Nahi Imkaan Janaan..

Ab ke tajdeed-e-wafa* ka nahi imkaan* janaa,
yaad kya tujh ko dilaayen tera paimaan janaa.

Yun hi mausam ki adaa dekh ke yaad aaya hai,
kis qadar jald badal jaate hain insaan janaa.

Zindagi teri ataa thi so tere naam ki hai,
hum ne jaise bhi basar ki tera ehsaan janaan.

Dil ye kehta hai ki shayad hai fasurda* tu bhi,
dil ki kya baat karein dil toh hai nadaan janaan.

Awwal awwal ki mohabbat ke nashe yaad toh kar,
be-piye bhi tera chehra tha gulishtaan janaan.

Aakhir aakhir toh ye aalam hai ki ab hosh nahi,
ragg-e meena sulag uthi ki ragg-e-jaan janaan.

Muddaton se yahi aalam na tawaqqo na umeed,
dil pukaare hi chala jata hai janaan janaan.

Hum bhi kya sada the hum ne bhi samajh rakha tha,
ghum-e-dauran se juda hai ghum-e-janaan janaan.

Ab ke kuchh aisi saji mehfil-e-yaraan janaan,
sar-ba-zaanu hai koi sar-ba-girebaan janaan.

Har koi apni hi aawaaz se kaanp uthta hai,
har koi apne hi saaye se hiraasaan janaan.

Jis ko dekho wahi zanzeer-ba-paa lagta hai,
shehar ka shehar hua daakhil-e-zindaan janaan.

Ab tera zikar bhi ghazal mein shayad hi aaye,
aur se aur hue dard ke unwaan janaan.

Hum ki roothi hui rutt ko bhi mana lete the,
hum ne dekha hi na tha mausam-e-hijraan janaa.

Hosh aaya toh sabhi khwaab the raiza raiza,
jaise udte hue auraaq-e-pareshaan* janaa. !!

*[ Tajdeed-e-wafa=Renewal Of Faith,
Imkaan=possibility , Fasurda=Disappointed
Auraaq-e-pareshaan=scattered pages ]

 

Ab Ke Hum Bichhde Toh Shayad Kabhi Khwaabon Mein Milein..

 

rose in book

Ab ke hum bichhde toh shayad kabhi khwaabon mein milein,
jis tarah sookhe hue phool kitaabon mein milein.

Dhoond ujde hue logon mein wafa ke moti,
ye khazaane tujhe mumkin hai kharaabon mein milein.

Ghum-e duniya bhi ghum-e yaar mein shaamil kar lo,
nasha badhta hai sharaabein jo sharaabon mein milein.

Tu khuda hai na mera ishq farishton jaisa,
dono insaan hain toh kyon itne hizaabon mein milein.

Aaj hum daar par khinche gaye jin baaton par,
kya ajab kal woh zamaane nisaabon mein milein.

Ab na woh main na woh tu hai na woh maazi hai ‘faraz
jaise do shakhs tamanna ke saraabon mein milein. !!